المساعد الشخصي الرقمي

مشاهدة النسخة كاملة : مشكله في حياتي


بو حزنان
05-Oct-2006, 03:45
السلام عليكم ورحمة الله وبركاته

هذه أول مشاركة لي وتمنى من الله ثم منكم المساعدة
عبارة عن مشكله في حياتي
انا اسمي عبدالله طالب في الكليه وعمري 20سنه أحب ان أخرج مع أصحابي كثير
كانوا اكثر اصحابي يتحدثون مع بنات كنت انا الوحيد منهم ما اكلم البنات حاولوا معي ان اكلم بنات لكم رفضت ممكن من الخوف وفي يوم دق جوال صاحبي وانت ارسل بلوتوث قلت له خذ الجوال قالي من الي متصل قلت له رقم غريب قال رد انت رديت طلعت بنت قالت لي هلا قلت نعم قالت كيف الحال قلت نعم وسكرت الخط اتصلت مره ثانيه رد صاحبي عليها كلمها قالت له من الي رد قبل شوي قال صاحبي قالت له عطني رقمه عطاها رقمي طبعا انا عرفت اخر الارقام من جوالها دقت علي تقريبا الساعه 2ليلا انا ما رديت تمت تدق لين رديت قلت لها نعم قالت لي اخيرا رديت قلت لها وش تبي مني قالت ابيك انت بدت تسألني وانا اجاوب بعدين قالت لي تعرف ليه انا اخذت رقمك من صاحبك قلت لها ليه قالت انا احب الرجال الثقيل الي مو أي واحد يكلمه بدينه نتكلم شوي بعدين قلت لها بااااي انا و راي دوام بكره قالت اوكيه بينه اتصال بكره طبعا هذه اول بنت اكلمها في حياتي دق علي اليوم الثاني وبدت تكلم عن مشاكلها وتضايقات من الاهل بعدين كبرت العلاقه وتمت معي ثلاث سنوات بس في الاجازه الصيفيه دقت عليها ولقيت الجوال مغفل انا تعودت أي اكلم بنات الحين وين اجيب لي رقم بنت مثل هذي ، وتغريبا تميت شهرين وانا ادق واشوف الجوال مغفل .
طلعت انا مع اصحابي سفر واحنا راجعين من السفر في الباص انا مشغل البلوتوث شفت بلوتوث بنت قلت لازم اضبط معها بديت ارسل لها وهي تستقبل بعدين رسلت الرقم بعد تقربا عشر دقائق دقت علي، قالت لي كيف الحال قلت تمام قالت لي اذا انت معجب انت ابتدي وانا اكمل قلت اوكيه بدينه تكلم اشوي بعدين قفلت طبعا هذي ساكنه في نفس المنطقه الي انا فيها كبرت الحلاقه بينا وقالت لي انا متزوجه وعندي ولدين المهم بعد ما مضى شهر من العلاقه قالت لي تعرف اني بديت اكره زوجي واحبك انت انا خفت اشوي ولا ابي اقطع علاقة زوجين بسببي طلبت انا نتلاقه انا وافقت وطلعنا مع بعض مع اني خايف وهذي اول بنت راح أطلع معها طلعنا مع بعض ثلاث مرات هي بدت تطلب من زوجها يطلقها انا اخفت وبديت ما ادق عليها بس هي دائما تدق علي وانا والله خايف افرق بين الاثنين .


ارجو منكم ان تساعدوني في حل هذه المشكله ولكم الشكر

amorat
05-Oct-2006, 07:11
هلا والف غلا اخوي عبدالله

مشكلتك تحصل كثير ..والحب والتفكك في كل مكان

وهالايام حتى البنت المتزوجه والشاب والمتزوج ...يبحث عن اي علاقه خارجيه .. لو حق سواليف بس .. !!

لكن ..

( كانوا اكثر اصحابي يتحدثون مع بنات كنت انا الوحيد منهم ما اكلم البنات ) !!

الكل والاغلب يبدء كذا .. الشباب يخربون بعضهم والبنات كل وحده ترسل قريبتها لصاحب خويها عشان اذا طلعت البنت مع صاحبها طلعت معهم بنت الخالة مثلاً مع صاحب صاحبها .. ومدري هل هذا اعتقادهم بالامان ؟؟؟

( قالت لي تعرف ليه انا اخذت رقمك من صاحبك قلت لها ليه قالت انا احب الرجال الثقيل ) !!

طبعاً هذا مكرهم ..

منهن ماتقول انا احب الثقيل

ومنهن ماتقول انا احب اللي ظله خفيف ويحب الفرفشه

ومنهن ماتقول انا احب الموظف واللي عنده تجاره واللي طموح و و و و

وطبعاً حنا الشباب .. نرد عليهم باننا نحب الحلوة .. ودمها خفيف وجسمها حلو .. ودلوعة .. ومغرورة .. وشايفه عمرها على كل حارتهم و و و و و و و

لازم كذا .. البنات يقولون من يوم ماتسمع صوت واحد : حبيتك لانك ثقيل <<< ليه شايفته شايل كيس رز ..

والشباب من يوم مايسمع صوت وحده يقولون : انا ماحبيتك الا لانك الاحلى ياكل الدلع <<< وهو اصلا ماقد شاف بنات الا محارمه بس ..

المهم حبيبي ..

طريقك جربه الكثير .. وطريق البنت الاولى والثانيه المتزوجه .. بعد جربها الكثير

والله يستر على شبابنا وبناتنا .. ويحفظكم

لكن نصيحه ..

حافظ على صلاتك في وقتها

ثم انصح وادعوا الفتاة المتزوجه .. وقول لها انك راح تتزوج قريباً

ثم غير رقم جوالك ..

وابتعد عن اي شباب يكلمون بنات

واذا نظرت الي اي فتاة ... تذكر اختك

ثم تزوج واكمل نصف دينك

اخي عبدالله .. تذكر من ترك شيئاً لله عوضه الله خيراً منه

فاتركها وابتعد عنها .. خوفاً من الله

والله يوفقك في حياتك العلمية والعملية والزوجيه

ودعواتي لك بالهداية والصلاح

سارق الافئدة
05-Oct-2006, 12:11
كلا م أخوي أمورات عين العقل



واتمنى لك التوفيق والسداد

العازمـــــــي
06-Oct-2006, 01:24
كلنا مع امورات
في كلمته

فهو اخونا الكبير

ودمت،

كيكةفراولة
06-Oct-2006, 02:54
السلام عليكم ورحمة الله وبركاته

أخوي إنت تبي المساعده وكل شي بيدك انت

يعني انت اول شي قلت انا ما اكلم بنات وبعدين

يوم دقت عليك وحده وقعدت تسوولف معاك قعدت اتسوولف معاها

كان بإمكانك لو لو انك ما تبي اتكلمها تقدر اتوقفها عند حدها من

اول مكالمه بس انت مشتهي انك اتكلم بنات

وبعدين تقول ربعي يقولون لي كلم وكلم دامك انت مقتنع

بشي وما تبي اتسويه لو منوو يجي يقولك سويه ما تسويه

يعني ما تحط اللووم على أحد

وثاني وحده كلمتها المتزوجة انت كلمتها بس يوم دريت انها متزوجه

بإمكانك تتركها وما تكلمها حتى لو هي ما تبي يعني الحــــل بإيدك

عطها جم كلمه اتخليها اتحس انه الي اتسويه هي غلط

وصدقني لو صج انت ما تبي اتكلمها وخايف عليها انت الي بتحط حد للعلاقه

وأسفه إني طولت

ولد الرياض
07-Oct-2006, 12:31
اخــــي

اولا لكي تحل مشكلتك

لاتحاول ان تقع في مشكلة اكبرمنها

فانت مغرم بفتاة متزوجة وهذا هو المصيبة بعينها

فكيف تسأل عن الحل وانت مازلت معها ..!!

فلابد ان تحاول ان تبتعد عنها وبعدها تبدأ باجتنابها

واشغال نفسك مع اصحابك وتغير رقم هاتفك

وبعدها سوف تحس بأنك قد نجيت من ذلك كله

ودمتـ
ولد الرياض