المساعد الشخصي الرقمي

مشاهدة النسخة كاملة : هل ترضى احد يتعبث في موبايلك؟ وليش؟؟


toOota
02-Mar-2007, 10:49
السلام عليكم

ترضى أحد يفتش في موبايلك ! وليــش ؟

... موضوع أعجبني للنقاش ...

الموبايل ( مستودع الأسرار )!!

صار الموبايل جزء لايتجزاء من حياتنا اليوميه مانطلع إلا بالمبايل ومانقعد ولا نرقد إلا مع الموبايل

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...!!

الموبايل مثل السكرتير

اللي يذكرنا بالمواعيد والساعات متى علينا محاضره وفي أي قسم

والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:
والمنبه ( أهم شي المنبه )

اللي لي رن الصبح وقت الدوام .. نحط على غفوه وهالغفوه 10 دقايق

ومانقوم إلا إذا حد قال لنا :.. قومووووا دووووام متى بتروحوون الشوارع زحمـــه !!



( لحد يتعبث في موبايلي ) !!

هالجمله البسيطه تحوي معاني كثيره ( ممكن تفسرونها )

ليش مانرضى أحد يفتش أو :يتعبث: في الموبايل

هل هو الحرص عليه !!

ولا من زوود المحبه !!

ولا فيه شي خطير مانبي أحد يشوفه !!

هل لهالدرجه الموبايل خطير ماتخلي حد يقرا مسجاتك

ويشوف قائمة الأسماء اللي في موبايلك

ولا يسمع النغمات اللي منزلها ولا يشوف كم فيديو إستعراض

الأسئله كثيره والتساؤلات أكثر حول هالموضوع

الخزامى
03-Mar-2007, 12:31
روووعه الموضوع تووته .....

الصرااحه الجوال ما أحب أحد يطلع عليه ....

الا صديقتي بس هي الوحيده الي اسلمها الجوال .....

وطبـــعاً بوجود خصوصيات او بعدم وجوده ما احب احد يطلع على جوالي ....

ويسلمووو تووته ....

نبض الاحساس
03-Mar-2007, 12:35
عادى كل ومن يبي يطالع
مامنعه تسلمين اخت توته على هذا الموضوع
الرائع الله يعطيك العافيه

سارق الافئدة
03-Mar-2007, 07:49
,,,


والله عني أنا ماأحب أحد يفتش في جــوالي

حتى الأن منزل برنامج على شان محد يقدر يتعبث فيه

وزي ماقلتي أختي الجوال الآن أصبح مستودع أسرار للشخص

مو كل أحد يقدر يشوف شنو فيها

حتى الرجل المتزوج مايحق لزوجته تفتش في جواله

والكلام برضو للرجل مايحقله أيضا يفتش في جوال زوجته

مدام أن الثقه موجوده بينهم ليش يكون في شك وريبه

رسالة حب
07-Mar-2007, 02:37
عاد انا لو بجاوب انا اصلا لا امتلك موبايل ههههههههههه
> تحس بعدها صغيرة على الموبايل خخخخخخخخخ

بس لو كان عندي موبايل ما اظن كنت بخلي اي حد وبسهولة يفتش فيه
لاني احس الاشيا اللي امتلكها خصوصية جدا ولا احب الاطلاع عليها كثيرا

تسلمين على الموضوع
يعطيك العافية وتقبلي مروري

فـــرفـــر
14-Mar-2007, 04:24
اولا سلمتي توتة على موضوعك الجنان..
وبحق هو هادف..و

اول شي توتة انا من النوع الي يقول ياويله سواد ليله الي يلعب بأي شي يخصني
يعني احب انها تكون لي خصوصياتي ومن اسمها خصوصيات يعني اكره ان احد يطلع عليها
فما على بالك لمن يكون جوالك..وانا مااحب احد يشوف جوالي ولا حتى اعطيه لاحد
وبعد اعامل الناس بالمثل مااخذ جوالاتهم حتى جوال امي مادري عنه

سلمتي توتة

العازمـــــــي
14-Mar-2007, 05:45
تبون راي انا

طيب بالنسبه لجوالي عادي اصلا يوميا وهو مفتش او ملعوب فيه

هو صحيح انه مستودع اسرار بس مو كل الاسرار

وانا من جهة ما اهتم لاني استخدمه كوسيله فقط دون ترك اسرار

تـ..ـوتــه

سلمتـ..ـي على هالطـرح المميـز

ربـي يعطيك العافيه

لكـ ودي واحترامــي

العازمـــــي

هاويها
23-Mar-2007, 07:47
هااااااااااااااااااويهاااااااااااااااااا يريد ان يدلي بدلوه

اصلا لو واحد يتعبث بجوالي ماقوله شي بالعكس احب راسه واعطيه جائزه بعد لأن جوالي احرق علي حتى الحين ثلاث شرايح .

انا من محبي من يحترم الخصوصيه مهما كانت الخصوصيه وان كانت امرا بسيطا بس احيانا تجامل شخص غالي عليك وتفقدها في هالموقف بس .

كيكةفراولة
14-Apr-2007, 09:55
مشكووره منوره على الموضووع

بالنسبه لي انا عادي يعني اذا احد يتعبث بجوالي بس يكون بعلمي
يعني ما احب احد يشوف شنو بتلفوني من غير ما اعرف
اذا قالي ابي اشووف اقول اوكي مو مشكله

toOota
03-May-2007, 11:18
مشكورين ع الردود

شمسـ
04-May-2007, 05:11
مشكور على الموضوع

البرنسيسه
06-May-2007, 12:05
صراااحه مو دايما بس عادي الي يبي يفتش يفتش ههههههههه

ونة خفوق
29-Jun-2007, 07:24
الخصوصيه ثم الخصوصيه ثم الخصوصيه ..



انا بصراااااحه مااحب احد يمسك اغراااضي مو يفتشها بعد ..



يعني لا جوال ولا لاب توب ولا كمبيوتر الثاني ..



صح مافيها شيء بس مااحب ..



واذا احد يبي يشوف شيء انا اوريه مو يشوف من دون ماادري ...



وربي انفجر لو دريت يعني عادي لواستاذن لكن بدون احم ولادستور يفتش



لا ثم لا ثم لا..



مشكورة توته على الموضوع الرائع ...


تحيااتي لكـ

toOota
24-Jul-2007, 04:23
مشكووووورين ع المرور ^^ نورتو الموضوع بردكم

نجمة الليل
25-Jul-2007, 03:18
عادي

لكن مايتعبثون الا في الالعاب

ههههههههه

يمكن لأن مثل ماقتلتي في خصوصياتي

عالعموم

يعطيكـ العافيهـ اختي

-l-توته-l-

على الموضوع الجميل

دمتي بود

ـأختكـ نجومة

toOota
26-Jul-2007, 03:39
مشكوره حبيبتي ع المرور ^^ نورتي الموضوع بردج

عذب المعاني
26-Jul-2007, 04:35
عاااااااااااااااااااااااادي

ومافيها شي واذا فيه خصوصيه او شي سري فيه برنامج برقم سري محد يقدر يشوف

الي داخله

تسلمي على الموضوع

لكـ ودي

toOota
28-Jul-2007, 03:19
مشكوره اختي ع المرور ^^