المساعد الشخصي الرقمي

مشاهدة النسخة كاملة : اتحداكم...احد يقدر يقاوم اغراء هذه الانثى؟


amorat
25-Mar-2007, 10:14
السلام عليكم ورحمة الله وبركاته

مين يقدر يقاوم اغراء الانثى ..؟؟


صدقني بعد ماتخلص القصة بتقول:

ياليتني انا اللي كنت مكانك .. !!

ياليت اللي حصلك حصلي ..!!

وياليت ... هالانثى تجي كل يوم واشوفها وتشوفني واللي في هواها ذايب !!



شكلك بديت تذوب ..
ههههههههههههههههههههههههههههه


يالله ببدا القصة قبل ماتصير موية ..




جاتني الغرفة أمس بالليل الساعة 12,30 وانا منسدح على بطني
شافتني صاحي وطفشان ..
انا اول ماشفتها انبسطت مرة.. وكيفت ..

وقلت بس .. الحين بيروح الطفش ياولد ..

قالت ممكن أدخل ..

أنا طفشانة وأبي اسولف معاك ..

وكأني لمحتها تغمزلي وهي مبتسمة ..

انا خلاص .. ماعاد قدرت أنطق .. مدري وش جاني ..

هي بسرعة فهمت الوضع ..

وماقصرت على طول دخلت ..

وقفلت الباب ..!!

قربت من السرير الين صارت قدامي بالضبط ..

جيت بقوم يعنني مسوي ..

قالت مايحتاج تقوم .. شكلك مرتاح كذا وانت نايم ..

وجت بسرعة قعدت جنبي ..

أنا بصراحة انبسطت وخشيت جو وشوي اطير من الفرحه والبسمة تشقق وجناتي <<< وش رايكم بكلمة وجناتي ههههههههههههه ..

بدأت تتكلم .. وتحكيلي .. وانا ساكت ..

قالت لي وش فيك ساكت .. شكله كلامي مو عاجبك ..

ولاتبيني اروووووح (( قالتها بدلع ))

( عز الله اني ضيعت من جد )

وقلت لالا والله كلامك حلو .. لو ماعجبني كلامك مين بيعجبني كلامه ..

قالت بس انا شايفتك .. ساكت وماتتكلم ..

انا ابغ اخذ و أعطي معاك بالكلام .. وابغاك تفضفضلي زي أول ..

ضحكت وقلت ابشري من عيوني الثنتين ياقلبي

قالت تسلملي عيونك ياحبيبي ..



طحنا بعدها سواليف أنا واياها ..

هي تقولي سالفة وانا اقولها سالفة ..

وفي عز سواليفنا ..

لمحتها تطالع فيني ..

كانت حاطه يدها على خدها ..

قربت منها اكثر ..

نزلت ايدها من خدها ..

مسكت ايدي وضمتها ..

وأنا واصلت كلامي ..وقعدت احكيلها ..

قربت مني أكثر أكثر حتى صار جسمي لازق بجسمها ..

حسيت بدفء وحرارة ماتوصف.. حسيت اني مرتاح وأنا جنبها..

قالت .. مرتاح كذا ..

قلت ياليت كذا طول العمر .. انا وياك سوا .. مايفرقنا أحد ..

قالت ومين يقدر يفرقنا .. !!

قربت أكثر وأكثر ..

وحطت يدها على كتفي

بدت تلعب بشعري..

شفتها تناظر الساعة ..

صاحت وقالت .. يوووه الساعة ثلاثة خلاص ابي اروح ..

قلتلها لا لسا بدري .. خليك جالسة معايا ..

قالت لا .. الوقت متأخر ..

شافتني تضايقت ..

قربت مني أكثر ..

ضمتني ..

قبلتني ..

غطتني ..

وطفت اللمبة ..!!









لحظة ..!!

لاتفهمني غلط ..



كانت هذه أمي لما شافتني راجع البيت متضايق ..

ماطاوعها قلبها تنام وولدها متكدر خاطره ..

وكان هذا اغراءها اللي يسمونه في علم النفس

(( حنان الامومة )) ..



هاه اخواني .. هل تقدر تقاوم هذا الاغراء .. أتحداك ..؟؟


+++++++++++++++++++

مجرد همسات :

كثير مانجد كلمات العزل والحب بين المحبين ..
وقليل او تنعدم وجودها موجهه الي ذات الحب الحنان ..
تعلمنا الحب منها ...ومنحناها القليل منه ..
استلمنا الحنان منها .. وارسلنا حناننا لغيرها ..
اليست اجدر باول حبنا وآخره !!
اليست اجدر بهمسات عواطفنا !!
اليست اجدر بكلماتنا الغزليه !!

PΣNCiŁ
25-Mar-2007, 08:58
هههههههههههههههههههههههههههههههه

ههههههههههههههههههههه

===>>> أنسجمت مع الموضوع راح فكرها بعيد تقول موضوع جدي منزلينه ههههههههه


وطلع بالاخير الام هههههههه

مافي أي شك أخوي

حنان الأم ما يقدر بثمن

الله يخليك لأمك

ويخليها لجميع الاعضاء يارب

مشكور اخوي امورات عالطرح الرائع

ومو غريبة عليك المواضيع الحلووة

تحياتي

امــير القلم
25-Mar-2007, 09:07
امـــــــي

حب ليس كمثله حب ..

واحساس لامثيل له ..

امي ..

تلك المرأه والتي لم انساها ..

لحظه واحده ..

فهي تملؤني حتى الرمق ..

بشذاها وحضورها ..

مخلوقه دافئه حبها خالد ..

بخلود القلب ..

حضنها نعيم يرفل بالنور والضياء ..

علمتنا كل ماهو جميل ..

في زمن قياسي ..

وتعلمنا منها كل شيء ..

حتى دقائق الامور ..

عزيزي

عندما نرى أي موضوع أو كلمه أو قصيده

أو نزف من مشاعرنا تحكي عن أغلى مافي هذه الدنيا واروعها

وأجملها وهي (( الأم )) تتلاشى أفكارنا ونصبح في متاهات

لا يوجد لها مثيل ولا حل لنعبر عن مابداخلنا وبعد ماننقد نجد بأننا

قد قصرنا ..

عزيزي

لا يحضرني شي ولا أستطيع أن أرد بشي

لروعة ماطرح ولورعة مايخص الطرح

ولروعتك أنت أيضاً عزيزي وأدام الله هذا التواجد

العذب عزيزي ..

تحياتي


امـ القلم ـير

نبض الاحساس
26-Mar-2007, 02:57
[B]امــــورات
والله اقرأ الموضوع وتفكيري رائح وجاي
الى ان وصلت الى اخر الموضوع
وكانت اغـــــلى مافي الحياة ولكوون
واغـــلى الناس اكيد مافي احسن وافضل واحن
من حنان الام الله يخليهم ويخفظهم من كل مكرووه
الله يعطيك العافيه على تواصلك وطلالتك الراائعه
تقبل مني خالص ودي وتقديريB]

الخزامى
26-Mar-2007, 07:44
الله يهديــك يا أمورات كل الناس راح فكرهــــم بعيــــــــــــــد ههههههههههههه

ع العمـــوم بالآخــير كــان أجمــل حديــث نســقيه للأم ....

فروعــة مشـــاعرها ودفء حضنــها وحنــانـها يشعرنا بدينٍ لانستطيع ايفائه ....

أمــي أجمــل كلمــة طــاهرة نطقهــا كل شخــص منا .....

لاحرمنــــا الله منكن أمهاتنـــا فأنتن الحيــاة لنــا ....

سلمــت أخــي أمـــورات وبلغـــك الله بــِّـر والدتــك والجمـــيع ان شاء الله ....

amorat
26-Mar-2007, 09:17
رنوون
منااار
الخزامى

ليه وين راح تفكيركم بالضبط !!

شكلكم سويتوا بخيالكم انواع الفيديو كليب والرومانسيات
ههههههههههههههههههههههههههههههههههههههههههه

ما اقول الا ياحظ اللي كان بالسرير يوم فكرتوا الموضوع غلط
ههههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههههههههه

ونورتوا الموضوع بخشتكم المملوحه انتي واياها ..

امير القلم ..

اسم على مسمى اخي العزيز ..

ويسلموو على مداخلتك العطره ..


ودمتم جميعاً بين احضان ... هذه الانثى

رسالة حب
31-Mar-2007, 02:14
هههههههههههههههههه يا شين الفكر هههه
وانا اقول وش فيه تجنن هههه

فعلا حنان الام ما يعادله حنان ابد
ومثل ما قلت اخوي خذنا الحنان منها واهدينا لغيرها وهي احق به
عسى الله يحفظ امهاتنا جميع وينولنا رضاهم
تسلم على طرح الموضوع
يعطيك العافية وتقبل مروري

amorat
31-Mar-2007, 03:11
هلا وغلا رسالة حب

وآآآآآآآمين .. الله يخليهم لنا ويطول باعمارهم

ويسلموو على هالمرور المعطر