المساعد الشخصي الرقمي

مشاهدة النسخة كاملة : من اجمل قصائدالبدر


ROMANCY
06-Jan-2004, 11:30
الصدق..

ماينقش العصفور..في تمرة العذق..

وماوشوش الدبور ..زهرة الرمان..

والصدق ..ما زاعت أرض جوفها بركان

وما يحفر الأظفر في جلده المجدور

وش يخفي الانسان ..غير الصدق..

وش يقتل الانسان.. الطيب.. المغرور..

عضيت أنا اجساد الحروف الواضحه..

يا أخت الطريق..

عضيتها صدق الشفاة الناضحه

شهد وشري..

وكان الحديث.. جرح طري..

مضمد بالياسمين

كان الحديث.. ماهو الحديث اللي تبين..

وش اللي تبين.؟ الصدق.؟

وش الصدق؟! غير الدفا والنور..

وما يقتل الانسان الطيب ..المغرور

لو قلت ..لك اني ضعيف..

هش كما ورق الخريف..

أو قلت لك اني أخاف..

أبكي ..واخفي عبرتي..

واني لبست..ثوبي..عقالي وغترتي..

باأجامل الليل.. والجفاف

بيعجبك ..هذا الصدق.. وهذا العفاف.؟!

بهديك أنا يا مهرتي.. سرج حرير

وقلادة ذهب..

وأبا أشتري سيف رهيف..

لو ما بقي عندي ثمن ..نصف الرغيف..

اللي يسد الجوع..

والجوع.. صدق..

الجوع ..صدق ..وما سواه..

يا اخت الطريق..

كذب ..كذب.. كذب..
"من اجمل التي قصائد لبدربن عبدالمحسن"

amorat
09-Jan-2004, 08:11
لو ما بقي عندي ثمن ..نصف الرغيف..
اللي يسد الجوع..
والجوع.. صدق..
الجوع ..صدق ..وما سواه.
يا اخت الطريق..
كذب ..كذب.. كذب..

مشكوووور اخي الرومانسي ولقد ابدعت في نقلك واختيارك
من رواائع قصائد بدربن عبدالمحسن