المساعد الشخصي الرقمي

مشاهدة النسخة كاملة : ياناس.....اين يذهب هاذا الطفل؟؟؟


so0o0sa
26-Aug-2009, 07:55
السلام عليكم ورحمه الله.....

انا اول مره اشارك بموضوع ..هي معانه واحده من صحباتي وارجوا إن الكل يستفيد واذا عنده

حل يقوله ...أنا ماراح اطول عليكم ببدا علي طول...هذي صاحبتي واعدها مثل اختى واكثر بعد

متزوجه وعندها ولد وبنت..المهم انا بقولكم عن ولدها وهو الي يدور الموضوع حوله ولدها هاذا

مثل اي طفل طبيعي انولد طبيعي وكان طفل عادي بنموه ومره مره ماشاء الله حلو الله يحفظه

المهم الولد كان يقول ماما وبابا ويسمي بعض الاشيآء لين تم سنه وثمنيه شهور بعدها الولد

بدا يتغير على امه صار يتحرك كثير ولا يتكلم يصرخ اكثر وكلامه مبهم ...الام بدت تلاحظ التغير

على ولدها والي حولها يقولون لا عادي اذا تم ثلاث سنوات بتكلم عادي وبيقول كل الي عنده

لانه الحين قاعد يحفظ!!هي ضاعت من الي حولها وقالت استنى ماش الولد من ردي لاردى

والام والاب يستنون لين قررارو يرحون طبيب ويستشيرون بحاله ولدهم وفعلا راحو يوم وطلع

عند الولد تشتت بالانتباه والتركيز <<هاذا كان التشخيص الاول وقالوا لازم يأخذ دواء عشان

يزين وضعه والاهل ماشين مع كلامهم وعطوا الولد العلاج بدا الولد ينام زين لانه كان ماينام

وياكل احسن لان شهيته للاكل خفت..المهم الولد كبر وصار لازم يدخل المدرسه دخلوه روضه

بالشهر لين يشفون وش وضعه مشي عادي بس الولد مايتكلم كلام مفهوم ولا يعي خطر

يعني لو يشوف مسبح مفتوح يرمي نفسه...المهم الاهل لفوا وحاسوا لين شار عليهم

الدكتور انهم لازم يودونه لاخصائي نطق وفعلا ودوه والولد بدا يستفيد والحمد لله انا كل ماشفته

اشوفه احسن من اول اللهم لك الشكر الحين عمر الولد ثمان سنوات واهله يعنانون من

المدارس كل مارحوا مدرسه اهليه غاليه او رخيصه يرفضون الولد ....وهو محتاج مدارس

فيها دمج للي مثله عشان مايضيعون يعني محتاج اطفال طبيعين عشان يقلدهم ويستفيد

منهم..صاحبتي جاها إحباط ماصارت تحب تروح تسجله من كثر ماتنرفض وحرام انه تدخله

مدارس ذوي الاحتياجات الخاصه الي هم اكيد بيقبلونه بس انها تنساه اذا دخل هالنوع من

المدارس لان كل التمارين الي سواه والمراحل الي تطور فيها بفضل من الله والاخصائيه بتروح

سدى!!! انا اسالكم وين يروح وين يدرس وين المدرسه الي بتقبله وتكون مسؤله عنه بصدق

وتهتم انه يدرس ويتعلم صح وتراعى حالته ووضعه....

هل عندنا هذا النوع من المدارس إلي يعرف لا يبخل عليها بالعناوين لانها من جد تعاني ،،،

وانا يمكن ماعرفت اوصل الموضوع بس حاولت علشانها ويارب القى لها جواب وافيدها ...

واسمحولي طولت عليكم ....

تولاي
26-Aug-2009, 08:06
اختي والله ما ادري عن مدارس من هذا النوع بس يا ريت تحددي المدينه بس عندي سوال لو سمحتي الولد عنده اخوان اذا ما كان عنده و الام والاب بعدين عنه فهذا الطفل مصاب بتواحد على حسب علمي بس حبيت اوضح هذي لانو الي يتغيرون فجه يكون مصابين بتواحد لا سمح الله وتقبلي مروري

so0o0sa
26-Aug-2009, 08:18
مشكوره حبيبتي لردك السريع لا هو الطفل الاول وعشان مااكون ظالمه لصديقتي هي طول الوقت معاه لدرجه احنا عندها وهي جالسه معاه ما تخليه ابد ومره حريصه عليه
وعنده اخت اصغر منه بس مو زيه عاديه جدا...وهو من التشخيصات الي مر عليها مسكين قالوا (توحد)بس لا الحمد لله لا ماعنده توحد هو فيه سمات لكن يختلف ،،،وبالنسبه للسكن هم من سكان الرياض.....
والله يعينهم ان شاء الله....وكل الي يعاني زيهم لانها من جد معانه..
ومره ثانيه اشكركي حبيبتي علي تفاعلك:)

بدور الرياض
27-Aug-2009, 04:04
مساء الخير ..
أنا أعرف وحده عندها ولد فيه صعوبه في النطق .. الولد عمره الحين 10 سنوات .. المهم إنه مررره صعب ينطق الحرف .. كان يروح لمدارس خاصة .. وبعد العصر يروح لوحده سودانيه دكتورة في الأصل .. عندها في بيتها ألعاب وأطفال كثير من نفس الحالة .. تخليهم يلعبون مع بعض ويتكلمون .. الشهر الظاهر ب 3000 ريال .. وهي مسئوله عن أكلهم وكل شي .. الولد الآن الحمد لله نطقه بدأ يتحسن كثير من أول .. وعلى كلامها أنه بعد الله تحسن بسبب الدكتورة السودانيه .. أول الوقت كان تروح معاه .. وبعدين تعود على الأولاد وصار يروح لحاله ..
وبالنسبة للمدارس .. أنا أبشوف وأعلمك ..
الله يعين أمه يا رب .. ويصلحه .. آمين ..

أجمل احساس
27-Aug-2009, 04:18
جزاك الله خير اختي على احساسك لمعاناة صديقتك وابنها والله يلطف فيهم ان شاء الله

وبالنسبة للمدارس اكيد فيه بس تعرفين احنا بمجتمعنا مايهتموا مره بمثل هالحالات بس وش نسوي الله يعين
بس خليها تسال الاخصائية اللي متابعة حالة ولدها لانها اكيد تعرف مدارس تقبله لانه هذا من صميم عملها
وتحاول تسوي بحث بالنت وقوليلها انها ماتيأس لازم تصبر عشان ولدها

وانا بحاول اسألك عن مدارس بالرياض تقبله من اخصائية وأرد لك ان شاء الله

والله يساعد الجميع

so0o0sa
27-Aug-2009, 06:51
شكرا لكل الي ردوا....وشكرا كمان للاخت اجمل احساس...وبقولها الي قلتلي وماقصرتو...11//