المساعد الشخصي الرقمي

مشاهدة النسخة كاملة : الى شجون الغاليه


عطور
18-Oct-2004, 03:36
في ذاك اليوم وهي تجلس جنبي
وتداعب ازرار الحروف
رايت الحروف تعتصر بين يديها
والعبرات تخنقها
والشاشه تكاد تعصرها
تراها اليوم مو مثل امس
كانت بالامس كثيرة الهمس
احس اليوم الصمت يخنقها يعذبها
ولما دنيت جنبها
وقلت قولي لي
وش الي صاربيك
وين الضحكه الحلوه
وين البسمه النديه

وردت وقالت ياريتني يا اختي
ما عرفت النت ولا له جربت
ولا مليت به وقتي
ورديت وقلت ليش يا بنيه

وردت وقالت والقصه في قلبها
اخذت الورده بيديني وقدمتها له
مع كل حبي واخلاصي
لكنه رجع الورده وقال مني فاضي
وعشانش ما احب فرقى الناس اخذت الورده ورجعت بيها
سقيت الورده بدمي لاجل تبقى له حمره لاجل بس يذكرني

ورديت وقلت يا بنت الناس
ترى الدنيه مليانه من القلوب الحنونه
وانتي من الجمال ما في مثلك في هالمكان
وتوك صغيره وبكره يجيك من ينسيك

وردت و قالت لا والف لا
راح اخلصله وابقي له لآخر قطره بدمي
مثل اخته مثل امه ما يهمني
اخوي انه وقلبي
انتي اختي وحبيبتي ولكنه هو في مكان ثاني

وقلت لها وانه اداري واخبي دمعتي في عيني
انه قلت لك لا تقربين من طريق القلب
تره ماله دوه راح تداوينه بدموعك
وراح تكونين من الماضي
تراه ما هو فاضي
تراها مجرد كلمات
تطلع لك على الشاشات
لا تخلينها تخدعك وتاخذك من الدنيه الحلوه
وعيشي يا بنيه وارتاحي شويه
وتركتها مع الكلمات

تررررروكي
18-Oct-2004, 04:19
ههههههههههههههههههههههههه
مشكور عطور
وشجون عباره عن اخت لنا وربي انها تستاهل
من يسال عنها ويدريها ويرفق عليها في الكلام الانها
عذوبه وطيب وانهي كلامي واقول يسلمو يا عطور الله يعطيك العافيه






** تحياتي**

عطور
18-Oct-2004, 06:49
الله يعافيك يا تروووكي ويخليك لنه دووووم

وشجون بعيونا وسلامتها من سلامتنا
عشان كجه انه كتبت لها هذي القصيده اضحكها فيها
بس المشكله هي قلبتها حزن
بس كمان تسلم يا تروكي

amorat
18-Oct-2004, 08:15
وقلت لها وانه اداري واخبي دمعتي في عيني
انه قلت لك لا تقربين من طريق القلب
تره ماله دوه راح تداوينه بدموعك
وراح تكونين من الماضي
تراه ما هو فاضي
تراها مجرد كلمات
تطلع لك على الشاشات
لا تخلينها تخدعك وتاخذك من الدنيه الحلوه
وعيشي يا بنيه وارتاحي شويه
وتركتها مع الكلمات

هلا وغلا بعطوور ،،،
تسلم يدينك على هالنصائح الحلوة والكلمات الرقيقه
وفعلا ... مو كل الكلمات لها معنى خلف الشاشه
وحتى ان لم تكن خلف الشاشه ايضا .... فليس كلها صحيحه ونابعة من القلب .... بقدر ماخرجت هذه الكلمات منك الي شجون .

وتسلم يدينك ودمتي لمن تحبين

عطور
19-Oct-2004, 03:02
اخي امورات يعجبني في ردودك دقتها
وانك تاتي على المفيد والطلوب من الموضوع
بصراحه هذي ذكاء منك والله يكملك بعقلك

شكرا على الردود والله لا يحرمنه من ردودك وآرائك

اختكم في الله
عطور
جمعني الله واياكم في اعالي جناته