المساعد الشخصي الرقمي

مشاهدة النسخة كاملة : غلطـــــه!!


KATKOOT
19-Oct-2004, 06:31
--------------------------------------------------------------------------------

السلام عليكم ورحمة الله وبركاتة..

هذي القصيده لأحد شعراء وهو الشاعر عبدالله الخياط...

نقلتها لكم واتمنى انها تنال الرضى..


أنا اللي قلت في نفسي .. احبـك.. وابتدى التمثيل
بديت اكذب على نفسي .. و اقول انك نظر عيني

خطاك انك تصدقني .. تبادلني الـهـــوى و تميل
صدقت بكل اشــواقك .. وكــــــاذب كل ما فيني

خدعني واهم إحـــــساسي .. بلا غاية ولا تحليل
ظلمتك يوم جـاريته .. أجـامل .. و انت تعطيني

لقيتك غـــارق بـحـبي .. ولا لي للأمــــر تبديل
حرام أحطم احلامٍ .. بناهـــا الحب .. بيـــديني

وسايرتك ..على كيفك .. لـقيت القلب حبّك حيل
وفجأة صرت لي نبضي .. سكنت أقصى عناويني

ولا فكّرت في جرحــــك .. ولا ودي تذوق الويل
ولا حبــيــت نـتــفارق .. وعينـــــك يــوم تبكيني

ولكن بانت الكــــــذبة .. وعــــــزّم قلبي التعديل
تنبّه بعد مـــــا فــــــات الأوان .. ومرّت سنيني

علينــــا دارت اللعـبة .. مثـل دورة نهار و ليل
تحب وكنـــت انا لاهي .. عشقتك و انت جافيني

خلاص الحــــزن ما ينفع .. تبادلنا الهوى تمثيل
خسارة صــرت أنا أحبك .. و انت اللي تجاريني


مع تحياتي ..
KatKooT
//18

عطور
23-Oct-2004, 03:53
مشكور اخي كتكوت
قصيدتك وروعه
اسلوبك ممتع

اختك في الله عطور

amorat
24-Oct-2004, 06:03
عذبة من عذوبات شاعرنا عبدالله الخياط
وباختيارك اخوي كتكوت المميز وذووووقك العذب
وفي كل مرة أقرأ لك أود أن أعبر لك عن مدى إعجابي بما تخطه لنا أناملك من كلمات ومواضيع
ولكن أجد نفسي قد غادرت المكان نظراً لشعوري بالانهزام أمام شموخ كلماتك

فدمت رائع بعزفك دوماً وبجميع نقلك المنوع والمميز
سأكون في أنتظار جديدك بكل شغف
ومني لشخصكَ الكريم جلّ التقدير والإحترام

تررررروكي
24-Oct-2004, 04:15
مشكووور اخوي

على القصيده روعه على كتبها

وننتضر جديدك