المساعد الشخصي الرقمي

مشاهدة النسخة كاملة : نحس قصيدة عبد الرحمن بن مساعد


amorat
03-Dec-2004, 07:34
نحس قصيدة عبد الرحمن بن مساعد

روووووووعه وحلووووة مررررره واتمنى تعجبكم

***********************

يوم الاثنين اغتنى .. وصار بين الاغنياء ترتيبه الثالث
يوم الثلاثاء الفجر .. مات في حادث


******


فريق كورة .. دائما ً ترتيبه في الدوري الاخير
واذا لعبوا واستبسلوا .. قبل الاخير
وبعد السنين الممحلة .. جاهم رئيس ثروته كثر التراب
عيّن مدير .. عنده من الخبرة كثير
شال الكبار ولعّب شباب
وجاب المدرب اللي له اسم ٍ مهاب
واتقدموا .. وصلوا للدور النهائي
ويوم النهائي .. قبل المباراة بدقايق
في البلد حصل انقلاب


******


مسكين .. شين وفقير
وفي الدراسة حاول انه يستمر .. ومااستطاع
وضعه صعب ..ابوه مات وهو صغير
وماترك له الا الفقر .. وامه واخته .. والهم من فوقه وتحته
ومالقى لجل الهروب من الضياع .. الا انه يدور وظيفة .. أي وظيفة
ولقى من ضيقته مخرج .. وظيفة دخلها معقول .. يمشـّي الحال لو اعرج
ومرت سنة وسنين ..
والمسكين .. صارت كل آماله زواج
واتزاحمت في داخله الاسئلة ..
منهي اللي بتقبله ؟ .. وليه ؟
وفي يوم مامثله ابد .. شافها .. اجمل من اجمل مارأى
واضحكتله ... مستحيل !! ...اضحكتله
ومشت من اول الحارة .. ولحقها
وادخلت في بيت جاره ..
سأل عنها وعرف ... قنوعة واسمها سارة
تصير اخت لمرة جاره
ارسل لها اخته .. تجس النبض
جت البشاير
راح لمه .. وفرحته كبر السما والأرض
وافقت !! .. ابشرك يمه .. لقيتها يمه
سارة اخت حصة مرت منصور ..
ابيها وهي تبيني .. وابغى منك الشور
خلاص يا يمه خلاص .. بقول لهمومي الوداع .. بقول لهمومي الوداع
قالتله امه :
يا ولدي .. بس هذي اختك في الرضاع

******

الصقر الجارح
03-Dec-2004, 08:48
رووووووووعه الصراحه

تسلم يالغلا

و عبد الرحمن بن مساعد ماشالله عليه

مبًدِع

و عساك ع القوه اخويه



الصقر الجارح

عطور
06-Dec-2004, 02:23
روعه القصيده منتهى الروعه
تسلم يدينك على ما خطته لنا
الله يخليك لنه دوم بصحه وعافيه
اختك في الله
عطور