المساعد الشخصي الرقمي

مشاهدة النسخة كاملة : لأجل انساك..


حلوة امورة
20-Dec-2004, 12:04
(1)

لأجل انساك..
دفنتك بين صخور قلبي .. وسويت المحال ..

يمكن تستغربون وشلون يكون للقلب صخور ..
وتسألوني وراح أقول..
حبيته وخبيته بداخلي ..
يمكن أنا قلبي مميز لأنه كبير ..
فيه النهر يجري بين الزروع ..
فيه البيوت والشوارع وفيه الحقل ..
الحقل اللي كان اساساً مجلسه قبل لا يصيبه الجفاف..
وترى قلبي ماكان فيه صخور يالسائلين ..
كان فيه وديان الندى وفيه الحياة ..
كان فيه زهور الأمل وكل الفَراش ..
كان بعده صغير .. كان توه يبتدي أول خطاه..
وحين انكسر
جفت فيه مياه النهر واصبحت كلها رمل ..
واتصدعت فيه البيوت واتهدمت
واحدثت شرخ كبير بداخلي ما ينحكى
واتناثرت فيه الصخور اللي هي أصلا حب اصيل
هذي هي حكايته ..
والمستحيل !!
اني بجازف وادفنه بين الصخور ..

(2)

لأجل انساك ..
جعلتك دفتر لذكرياتي .. وهجرت الانام ..

قلت بنساك وانك بالوجود مالك وجود ..
قلت بنساك وحاضري هو المهم ..
قلت بنساك وكتبت عنك ذكريات ..
وكل ما تذكرت صورتك ..
ركضت لدفتري قبل لا انسى ملامحك ..
نسيت ذكرى الألم ..
وقلت ماودي غير ماكان بيننا من فرح ..
والفرح يجر الفرح وأنا بذكراك هايمة ..
جال بخاطري ليه أنا بديرة وهو بالثانية ..
ليه ابتعدنا دام الفرح ضيفنا !!
تذكرت الألم والفراق الفاجعة..
عشتها ذكرى كنّها حاضري ..
أنا ودفتري والذكريات الخالية..
وضج الألم بروحي وافتكرت ..
أني افتقدت امي وابوي ..
وجيراني والاصدقا نسيتهم ..
(.. هجرتهم ..)
بجلستي ورى بابي لأجل اجعلك لي ذكريات ..
(3)

ولاني نسيتك ..
كان واجب علي اني اتذكرك ..
شفت الصخور بقلبي كيف اتناثرت ؟!
وان النهر صار كله رمل ؟!
والزهور الذابلة .. والطيور الهالكة؟!
شفتها ؟؟
شفت دفتر ذكرياتي والحلم ؟!
شفت السعادة والفرح وحتى الألم .. شفتها ؟!
شفت الحزن في داخلي شفت القهر ؟!
هذي هي سبايب رجعتك لدنيتي ..
بتذكرك مو لأني لساتني بعشقك أو اهتويك ..
بتذكرك لانك بوسط قلبي الحاني اندفنت ..
بتذكرك لأني بدونك خالية من الذكريات ..
بتذكرك لان ربك وربي خلق لي قلب كبير..
بتذكرك لان النسيان مو بكل بيت ..
وبتذكرك لأني البارحة نسيت جرحك
وصار واجب عليّ بهاللحظة اتذكرك

amorat
20-Dec-2004, 06:25
السلام عليكم ورحمة الله وبركاته
تحية معطرة بالورد أهديها إليك

نابضة تلك القصيدة الرائعة ( لاجل انساك )
التي نسجت بشكل جميل
توقفي في هذه المحطة
لتسجيل الأعجاب بما خطته
أناملك هنا
يشدني قلمك الرائع
وما يتدفق منه من حبر
فدائما ما يغريني بريق حرفك
أشكرك على اتحافنا بهذه المعزوفة الجميلة
دعواتي لك بالتوفيق والنجاح
تقبل أرق تحياتي مقرونة بالورد
أخوك
امورات

تررررروكي
20-Dec-2004, 06:50
صح السانك والله جميييييييييييييييييييييييييييييييييييله
الكلامات ومواثررررررره بعد الله يعطيك العافيه

حلوة امورة
22-Dec-2004, 12:34
وعليكم السلام ورحمة الله وبركاته ..
اخي امورات ..

أغرقتني حتى جعلتني أمشي على صقيعـ مسافاتـ الخجلـ...
أتمنى أن أكون عند حسنـ ظنكـ دايماً وابداً...
وأشكر لك إطرائك الذي أشعر بثقله وسعادتي به...

حلوة امورة
22-Dec-2004, 12:37
الجمال يتجلا بحضوركـ ترووووكيـ...
فهنياً لي بهذا الحضور الذي اضافـ الكثير والكثير هنــا...