المساعد الشخصي الرقمي

مشاهدة النسخة كاملة : خليني احلم........


المتميز
23-Dec-2004, 03:15
خليني احلم .... مامعي غير الاحـلام
انا حياتـي ... بيـد حلمـي رهينـه
حلمي وانا جينا .... مقادير واقسـام
ياتعبرينـي حلـم ...... ياتحلميـنـه
وش نابني مـن واقعـي غيـر الالآم
ودموعك اللي فـي عيونـك سجينـه
ماسرني وقتي ... على كثـر ماضـام
ولاهـو اللـي كـف عـنّـا يديـنـه
اواجهه بيـدي وانـا جلـد وعظـام
ولا قـدرت اوفيـه واســد ديـنـه
ولاسرني شعري .. على كثر الاقـلام
ولا قـدرت احقـق الـلـي تبيـنـه
لوهو بكيفي .. جبتلك سيـف الايـام
تخاصميـن الـوقـت وتحاسبيـنـه
لوهـو بكيفـي قلـت لعيونـك تنـام
ونسيـت كـل الذكريـات الحزيـنـه
ياما وانا والليل فـي هجـر وخصـام
ويامـا تخاوينـا علـى كـل طيـنـه
ابني ... والى شيدت فيها ميـة عـام
طاحـت بيارقهـا مديـنـه مديـنـه
حبيبتـي ... ادري مجاديفـي حطـام
لكنـي اختـرت البحـر والسفيـنـه
ضاعت احلام ... وبعدي اعيش فاحلام
لوماحلمت اموت ... ضيـق وغبينـه

عطور
23-Dec-2004, 06:56
ضاعت احلام ... وبعدي اعيش فاحلام
لوماحلمت اموت ... ضيـق وغبينـه
صح السانك وسلمت يمناك على ما خطت
بارك الله فيك
وادام قلمك لنا
اختك في الله
عطور