المساعد الشخصي الرقمي

مشاهدة النسخة كاملة : آســـــــــــــــــــــــــــفــــــــــه


لعيونها
14-Jan-2005, 08:55
آسفه أنا في جيتي لك تسرعت
ظنيت ألاقي فيك شيٍ فقدته

كنت أحسبك مجروح مثلي تولعت
جربت فرقى شخص قلبك وهبته

كنت أحسبك من مر جرحك تجرعت
حبيت فيك احساس طفلٍ لمحته

لوقلت آآآه بوسط روحي توجعت
ولو شفت دمعاتك شعوري سكبته

ولو تطلب عيوني أبد ما تمنعت
وأعطيك قلبي لو بعد ماطلبته

وصلت بك أعلى مكان وتربعت
وفي قلب غيري ياالغضي ماوصلته

وأصبر على صدك وأشوفك تدلعت
وأعطيك ود وما أظنك حسبته

أذهلتني بطباعك اللي تطبـّعت
حتى قصيدي فيك أبد ما فهمته

لو كان غاياتك حروفي فأنا بعت
وإفرح بجرح المشاعر اللي جرحته

وأرجوك من صدك تراني تشبـّعت
خلك مع اللي عاجبك أو عجبته

يكفي قهر في جيتي لك تواضعت
تركت غيرك لأجل عينك وبعته

ياليتني عن حب مثلك ترفـّعت
ياليت قلبي قبل أعرفك دفنته

لكن ببعد دامني بك توهقت
الله يرحم حبنا اللي ذبحته

أنا شريت الود والحين أنا بعت
وأنا عطيتك قلبي اللي قهرته

في يوم جيتك أطلبك ود وأقنعت
نفسي بإنك شخص عادي عرفته

كمّــل حياتك مثل ما أنا توقـّعت
تبقى أسير الماضي اللي فرضته

ولا يحزنك إني جبانه وتراجعت
حولك بدالي ألف شخصٍ عجبته

أما أنا لا يمكن أخضع ولا طعت
يحرم علي أعطيك قلبٍ خذلته

بريّحك من شوفتي يوم قاطعت
إسلوبك اللي به تجامل كرهته

غلطان يا المقفي أنا ما تتبـّعت
غيري يتابع خطوتي ما تبعته

ما ينحني راسي لو إني تقطعت
وما هو بنا من لارميته لقطته

وإن كان غرك حكي عذالي وطعت
الله يعلم كيـــف قلبي سكنتـــه

اللي ملا قلبك علي وتسمـّعت
خله يعوض شخص مثلي خسرته

أنا بما فيه الكفــايه تولـّــعت
واللي بقى من قلب فيني حرقته

وإن شفتني صدفه بعينك تطلـّعت
ذكـّرتني بإنسان غــالي فقدتــه

بأول لقا سلمته إحساسي وضعت
غلطة حياتي يوم قلبي سلبته

وأستسمحك فالبعد كاني تراجعت
ما عاد بلقى فيك شي ٍ فقدتــه

طبعك مثل غيرك وطبعي كما كنت
أحب شخص ٍ ولا تركته...تركته

تررررروكي
14-Jan-2005, 12:04
صــــــــــــــــــــــــــــــح الســــــــــــــــــــانــــــــــــك

وربي روووووعه يا اخوي لعيونها وما قصرت والله يعطيك العافيه

من عضو يا رب ما نعدمه

لعيونها
14-Jan-2005, 01:43
صح بدنك اخوي تروكي



بس تراها مختاره //19 واسف لاني ماكتبت تحت انها اعجبتني وكتبتها هنالاحلى اعضاء



ويسلمووو على الرد

amorat
14-Jan-2005, 04:04
لوقلت آآآه بوسط روحي توجعت
ولو شفت دمعاتك شعوري سكبته
ولو تطلب عيوني أبد ما تمنعت
وأعطيك قلبي لو بعد ماطلبته ,,,


هلا وغلا حياتي لعيونها ..

قرأت قصيدتك اكثر من مره

وعلمت حينها ان الابداع ... كلماتك

وهذه الابيات الرائعة التي تلاعبت في مفرداتها بحكمه

يعانقها عزف المشاعر الدافيه بشفافيه متناهيه

دمت لنا ودام تواصلك وعطاءك المتألق

تقبل فائق تقديري

امورات

القمر
14-Jan-2005, 06:16
أشكرك على هذا الاختيار الأكثر من رائع والذي يدل على جمال ذوقك واحساسك المبدع
فننتظر دوماً مثل هذه القصايد الرائعه التي تملي منتدانا بهذه الأحاسيس والروعه والمشاعر
سلمت يداك اخي العزيز ودمت للمنتدى ولأعضاء

أختــــــــــــــــــــــــــــك
الــــــــــــقـــــــــــــــــــــــــمـــــــــ ــــــــــــــــــــــر

لعيونها
15-Jan-2005, 03:01
امورات - القمر
مشكووريييين على الردود الحلوه وانشاء الله الجاي احلى

إحساس عاشق
16-Jan-2005, 12:27
لعيونها
مشكوووووور على هذا الأبداع ...
الذي تتحفنا به يوم بعد يوم ...
لا تحرمنا من أطلالتك علينا ...

تحياتي لشخصك ,,,

إحساس عااااشق

لعيونها
16-Jan-2005, 08:10
العفووووو اخوي إحساس عاشق

ومشكور انت على الرد الحلو