المساعد الشخصي الرقمي

مشاهدة النسخة كاملة : ليتك تموت


AD Boy
14-Feb-2005, 09:27
السلام عليكم ورحمة الله وبركاته

وصلتني هالقصيده عن طريق الايميل

ليتك تموت اليوم وارتاح انا منك
يرتاح قلبن بالخيانه طعنته

ليتك تموت وبثوبن اسود اكفنك
واطوي معك صفحة عذابن رسمته

ليتك تموت وداخل القبر انا ادفنك
وادفن مع الجمثان جرحن جرحته

ليتك تموت اليوم وماحدن درى عنك
غير الخفوق اللي وفالك وخنته

ليتك قبل ماتموت في صدرك اطعنك
واصيح باأعلا الصوت حقي اخذته

يلعنك قلبي والاحاسيس تلعنك
يلعنك دمعن صادقن لك نثرته

جننتني ياجعل ربي يجننك
لاوحسايف ليلي اللي سهرته

منت بكفو قلبي له سنين صاينك
منت بكفو للي من اجلك فعلته

غدار خاين خنت قلبن مأمنك
قلبي عطاك الحب وبيدك ذبحته

وش موقفك لوكنت انا اليوم خاينك
وشهو شعورك لوفؤادك غدرته

waleedsa
14-Feb-2005, 11:22
مشكور اخوي على القصيدة وان كانت مؤلمة وقاسية كثييييرا
وليد

AD Boy
15-Feb-2005, 03:19
العفو

مشكور اخوي على الرد

القمر
15-Feb-2005, 10:10
صراحه اخوي كلمات هذه القصيده مؤثره جداً
تحمل معاني مؤلمه تطعن القلوب لقسوتها
لكن عذر من كتبها لان الخيانه تقتل النفس والروح فيبقى الجسد كالمعذب لا يستطيع مجابهة الحياه
لكن مهما كان ومهما يكن من حب في يوم حباً حقيقياً صدقني لن يندم عليه
اما امثال الخائنين فهم ليس من ضمن قائمة العاشقين...
وسلمت يداك اخي الكريم على نقلها
ودمت للمنتدى

أختك
القمر

AD Boy
15-Feb-2005, 11:48
اختي القمر

الصراحه انا واعوذ بالله من كلمت انا كنت ما احب حصت العربي

بسبب التعبير لاني مره ما اعرف كيف اعبر هذا اللي كتبته يلست ساعه وانا افكر

يالله يالله جمعت

بس انتي مشاء الله عليج عندج التعبير فل

وهذا يدل على احساسج المرف

ومشكوره وايد على الرد اللي نور الموضوع

اخوج AD Boy

amorat
22-Feb-2005, 03:52
الله يعطيك الف عافيه على هالنقل المميز

وكلمات قوووووية من جد قيلت في الخيانه

وعسى كل حياتنا مليانه وفاء

AD Boy
22-Feb-2005, 12:31
آمين

منور اخوي امورات

مشكور على الرد الرائع

amorat
22-Feb-2005, 01:31
هلا وغلا اخوي AD Boy

الموضوع منوووووور باصحااااابه

القمر
22-Feb-2005, 03:25
أخي AD Boy

الله يسلمك على الرد
والله انا ماكتبت الا اللي الخاطره تستحقه واشوف قليل في حقها
وكلماتك القليله مثل ماتقول احس تحمل معاني كثيره
فليس القدر بالكم بل بالكيف وانت ماشاءالله خواطرك لها صدى خاص بالمنتدى

أختك
القمر

AD Boy
22-Feb-2005, 04:07
اختي القمر

والله احرجتيني بالكلام هذا

بس انشاء الله نكون عند حسن ظنكنم فينا

ولك كل الشكر على هذا الرد الرائع