المساعد الشخصي الرقمي

مشاهدة النسخة كاملة : سامحيني ياأمي


ضي قمر
25-Feb-2011, 09:34
<p align="center"><b><font color="#FF0000">( حتى يمكنك مشاهدة الصور و الروابط يجب ان يكون
لديك </font><font color="#0000FF">2</font><font color="#FF0000"> مشاركات او اكثر
، وحالياً لديك </font><font color="#0000FF">0 </font><font color="#FF0000">
مشاركة )</font></b></p>

سامحيني ياأمي


من 3 سنين كنا في معسكر في شرم الشيخ حقيقي قد إيه بلدنا جميلة وأجمل بلاد الدنيا فعلا أم الدنيا بجد لكن جمالها ده ولادها كانوا دايما محرومين من رؤيته لكل الأسباب




إللي إحنا كلنا عارفينها المهم إني أول مانزلت هناك ومشيت في شوارعها حسيت إحساس غريب أوي إحساس بالأمان يمكن أكتر مانكون في بلادنا إللي أهلنا فيها لكن في نفس الوقت حسيت بالغربة الشديدة وكأننا إحنا إللي ضيوف هناك أقصد إحنا المصريين رغم إننا مش في بلد أجنبي لكني حسيت إن ده مكانهم هما مش إحنا وبلادهم إللي متاح لهم يعملوا أي شيء علني فيها وده يبقي الطبيعي والعادي وإللي مابيحاسبش عليه القانون بتاعنا ولا بيعاقب إللي بيقوم بيه مش معني كلامي إن المصري هناك بيتعامل معاملة سيئة بالعكس ده هو ضيف والضيف له أفضل معاملة لكن هل يسعد حد فينا إنه يكون ضيف جوا بيته وغيره هو صاحب البيت ده ؟ إحساس مرير حقيقي لقيت نفسي ببتدي أكتب القصيدة دي يمكن خلصتها في يوم تقريبا لكن هو ده إللي حسيته بجد ونويت أنشرها أول ما أنزل في الجريدة إللي بشتغل فيها لكن أصدقائي لما شافوها نصحوني إني ما أنزلهاش لأن فيها إسقاطات كتيرة وكان وقتها مشاكل الصحفيين مع السلطة وإعتقال ناس كتير فيهم سواء رجال أم سيدات الكل سواسية ويمكن أنا غلطت لأني مانزلتهاش وقتها فعلا لكن من حوالي أكتر من سنة لقيت عندي رغبة ملحة جدا في إني أنشرها وما إهتمتش بالنتايج يعني يحصل ما يحصل وإيه يعني علي رأي المثل قالوا للقرد هايسخطوك ياقرد قالهم إيه هايعملوني غزال هههههههههههههههههههههههههه وفعلا نزلتها وما أوصفش لكم السعادة إللي كنت فيها لما قريتها بعد ما نزلت وحقيقي مايفوتنيش إن أذكر فضل رئيس التحرير وإللي بعتبره والدي فعلا لأنه من المفروض إنه يحزف منها لأنها طويلة لكنه بعد ما قراها قالي يابنتي دي ماينفعش يتحذف منها لأنها مرتبطة ببعضها ما قولش لكم كام عدد إشتريته علي حسابي علشان أوزعه طبعا علي أصدقائي وقرايبي والناس إللي بحبها واللهم لك ألف حمد وشكر علي فضلك علي مصر وعلينا لأننا عيشنا لحد لما نشوف يوم النصر المبين ده علي كل ظالم وفاسد وناهب وفاقد لمعني الإنسانية والإسلام وعلشان أنا بحبكم في الله كان عندي رغبة إني أكتبهالكم إنتم كمان يمكن متأخرة كتير لكن أتمني أعرف رأيكم فيها ويارب تعجبكم وأوعدكم بإذن الله إني أنزلكم الجديد في أشعاري سامحوني إنتم بقي لأني طولت عليكم وأسيبكم مع القصيدة دعواتي للجميع بالتوفيق والسعادة في الدارين













(سامحيني ياأمي)








غصب عني وعنك لو يوم حسيت إن أنا مش بنتك






سنين وفاكرة إن أمي






فين ماكون هاتعولي همي






وقلبي وعقلي كل واحد فيهم بيطمني






إن أنا حتة منك وإنتي حتة مني






وفضلت أكلم نفسي وتكلمني قالتلي بتحبيها؟






قولتلها أه لو بس أنا أشوفها أنا كنت أطير بين السما والأرض وفي حضني أخطفها






قالتلي بس ماتستعجليش أمرك وإستني لحد لما تشوفي حبيبتك






ضحكت أوي وقولتلها ما أنا خلاص حطيت رجلي علي أرضها






وفجأة بصيت علي أمي لقيتها واخدة حد غيري في حضنها






ولقيتني غريبة جوا بلادي بصرخ وأنادي






جاوبيني ياأمي هما ولادك ولا أنا ؟






ردت وقالت سامحيني يابنتي غصب عني الحياة خدتني






غربتك عني وغربتني لكن أحلف بحبي ليكي إني عمري في يوم ما بعتك






أنا إللي باعني وحرمني منك هو أبوكي مش أنا






باعني للي يدفع فيا أكتر وأصبحت جارية لسيدي أنا






هو مين؟ دينه إيه؟ لغته إيه؟ كل ده خارج عن إرادتي أنا






يروح وييجي يجري ويضحك يرتع ويلعب






بفلوسه طبعا ما هو سيدي وإطاعته فرض عليا






كل يوم شمسه بتطلع في السما تنداس كرامتي وهيبتي






وكأن خنجر بيشق قلبي نصين يابنتي






نص منه بيبكي عليكي ويقول ضنايا






والتاني مرعوب وخايف من غضب مولايا






لو هاتشوفيني دلوقتي إنتي هاتلاقي صورة بس صورة






تمثال جميل للي يشتهي






والقلب لمين غير ربه يشتكي






فوضت أمري وأمرك للي خلقني وخلقك أعلم بحالي ورميت عليه حمولتي






وفي يوم يابنتي شمسه هاتطلع علي عين حبيبتي






وأقول ضنايا ألاقيكي رامية نفسك في حضني إنتي وأقول ياحتة مني وأنا حتة منك إللي خلقنا رحم دموعنا وجابك من تاني لحضني يانور عنيا يابنتي






<p align="center"><b><font color="#FF0000">( حتى يمكنك مشاهدة الصور و الروابط يجب ان يكون
لديك </font><font color="#0000FF">2</font><font color="#FF0000"> مشاركات او اكثر
، وحالياً لديك </font><font color="#0000FF">0 </font><font color="#FF0000">
مشاركة )</font></b></p>

روحي هلاليه
26-Feb-2011, 02:19
كلمات رائعه
اختي ضي
الله يحفظ مصر واهلها

تلاشى خلودي
26-Feb-2011, 12:07
يسلمو ايديكـ اختي الغآليه على هالابيات

والله يحفظ أمهاتنا لنآ تآج على رؤوسنآ

كل الود لقلبكـ

واصلي فكلنا متابع

ثامرالهيلا
27-Feb-2011, 04:14
اروع ماقرات يسلمو الله يطول بعمرها

احساس حساس
22-Jul-2011, 05:50
مشكوره والله يخلي لكل محب أمه

اتعبتني جروحي
26-Jul-2011, 08:41
غاليتي الله يحفظك ويحفظ مصر الغاليه لاهلها
مشكوره على طرحك الراقي
لاعدمنا جديدك

أميرة قلبي
09-Sep-2011, 01:03
سلمت يمناك موضوع في قمة الروعه
يعطيك العااافيه ع الطرح الرائع

نتمنى لك التوفي ق