المساعد الشخصي الرقمي

مشاهدة النسخة كاملة : انا المحروم والمحروم ،،،،،،،، ماينعطى ........ وجه


جنوون الشووق
14-Apr-2011, 12:08
أنا جـــيت كـــلي ..،؛،


ماهو بكيفك عقب شيٍ حصلي ..
.. من ذوّق المحتاج يصبر الى احرجْه



خليتني من حلو حاليك احلي ..
.. واصبحت مدمن حب والقلب روّجْه



بين العروق وصار مافيه " ملي " ..
.. الا وله جُرّه تمرّه وتسهَجْه



وزود الغلا في عشب قلبي تفلي ..
.. وتراب صدري للمطر منـْك ما احوجْه



يمحل الى صدّيت ويموت يا اللي ..
.. صديت عنـّه والله احياه واخرجْه



ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه



ولي عين حالي دمعها لك يهلي ..
.. وانْ رحْت راحت مالح الدمع تزعجْه



غالي ولا يحتاج بسّك تغلي ..
.. غلاك اخذ قلبي وروّضـْه واسرجْه



ولو قلت ياعيني بصدره تملي ..
.. شافت خفوق ٍ حبك الذرْب توّجْه



وماهو على كيفك عقب ما حصلي ..
.. من ذوّق المحتاج يصبر الى ازعجْه



(عطيتني وجهك وانا جيت كلي ..
.. محروم والمحروم ما ينعطا وجْه)

لي مهآبهـ
14-Apr-2011, 01:53
(عطيتني وجهك وانا جيت كلي ..
.. محروم والمحروم ما ينعطا وجْه)’,
’,رووووووووعه مررره تجنن’,
’,يعطيك العافيه ويسلم لنا ذووقكـ’,
’,
’,ودي + تقييمي’,
104//

تلاشى خلودي
14-Apr-2011, 04:23
(عطيتني وجهك وانا جيت كلي ..

.. محروم والمحروم ما ينعطا وجْه)

دُمتَ أخي الفاضل بخير

جنوون الشووق
14-Apr-2011, 08:28
على راسي
لي مهابة - شقاوة
الف شكر شرفتوني