المساعد الشخصي الرقمي

مشاهدة النسخة كاملة : مشيبت الرموش


AD Boy
24-Feb-2005, 02:17
السلام عليكم ورحمة الله وبركاته

هذي قصيده بعد سامعها من احد اصدقائي وهو عجمي من هل الكويت


لا تلفون عطونا ولا جونا طروش=واقطعوا خط المراسل علينا كلها

الحصن مربطة مع بغول ومع جحوش=والصقور مع الحبارى تبارا ضلها

حل حالي وانحل مثل زرع امحشوش=من صدوف تصدف الرجال وما يفطنلها

ومن صدوف الدهر مشيبت الرموش=تذهل الرجل بسيوفها وتسلها

والمصيبة صرت في وقتي مغشوش=انخدعت بشجرة ما يظلل ظلها

راح اصحاب الرخاء مجمعةالقروش=والمراجل لا بهلها ولا قد لها

المراجل ما تهيا لالثعالب والكدوش=المراجل هي لهلها وهم كفو لها

كل ما افكر بدرب آلاقي به عتوش=تاهت ارياهي علي كيف انا بدلها

وين ابلقا الرجل ذاك ابو الوجه البشوش=يمتثل صعب المشاكل وهو بيحلها

كل جسم فيه دم والشجاع اللي يهوش=ومن يعز النفس صعب عليه يذلها

waleedsa
24-Feb-2005, 03:09
مشكور اخوي الكريم AD على القصيدة الرائعة
وشكر خاص لصاحب القصيدة

وليد

القمر
24-Feb-2005, 03:29
مشكوووووووووووور اخوي على القصيده
بس عندي طلب ياريت اذا تقدر توضح معانييها لاني بصراحه احس انها كبيره وفيها معاني اكثر من اللي فهمتها

كل جسم فيه دم والشجاع اللي يهـوش
ومن يعز النفس صعـب عليـه iiيذلهـا

انا عجبني اخر بيت كثيييييير وفيه حكمه كبييييره

إحساس عاشق
24-Feb-2005, 08:12
AD BOY


صح لسانك وصح لسان من قالها وتسلم أخوي على نقلها ...

القصيده رائعه جدا" والمعاني جزله وقويه ....

ويعطيك ألف عاااااااافيه أخوي


تحياتي لك ,,,

إحساس عاشق

AD Boy
26-Feb-2005, 08:43
الله يعطيكم الف عافيه


اخوي وليد

الله يخليك ويطول عمر والشكر كله لك على مرورك الكريم


اختي القمر

مشكوره وايد على مرورج وردج الروعه

والقصيده اذا خبرتج شو قصتها بتبين جميع معانيها

اللي قايل القصيده انسجن ظلم وغش من ناس يعتبرهم اصدقاء والسجن اللي انحط فيه رفظو انهم يعطونه

تيلفون او انه يرسل رسايل لكبر قضيته وما احد زاره من هله ولا معارفه لانهم ما يدرون به واكثر الناس اللي

انسجن معاهم ناس مهم اهل حمايا ولا يعرفون المواجيب وهذا قبيلي وما توقع انه يقابل او يعاشر ناس من

هالنوعيه واكثر اصدقاءه اللي في هالدوله ما زاروه ولا كنهم يعرفونه وايام عزه ورخاه مخاوينه المهم شاف

بلاوي الله يعلم بها

اخوي إحساس عاشق

صح بدنك

ومشكور ويعطيك مليونين عافيه

القمر
28-Feb-2005, 02:23
مشكوووووووووووووووور اخوي ولد ابوظبي على التوضيح
والله هذي الدنيا والحمدلله ومشكوووووووووووووور على القصايد المميزين مره

AD Boy
28-Feb-2005, 12:34
العفو

مشكوره على ردودج المميزه