المساعد الشخصي الرقمي

مشاهدة النسخة كاملة : فعل فاضح بقلم أحمد الطحان


زرداك
10-Jun-2011, 01:45
بقيت عيّان
بيرميني بيان أول
...عشان يُلْقُفني تاني بيان
و لا فاهِم و لا معاهُم
و لا دَريان
يقول العنف مش أسلوب
و يضرب غدْر ف المليان
يحاسبوا تضخّم الثروة
و فرق البيعة و الشَرْوَة
و ينسوا دمّنا ف ميدان

يحطّوا الصورة ف قلوبهم

يشيلوا الصورة م البرواز

و لسّه الغاز

بيتصدّر

و لسّه عقولنا تتكدّر

بفيض ألغاز


تكون نفس الوشوش حاضرة

مع الثورة

و تستغرب

كيف إبليس يكون نحو السجود .. مُنحاز

جريمتهم مهش محتاجة للتحقيق
و لا أقوال و لا تصديق

"فعل فاضح ف طريق أحلام"
يا حاطّين الغَطَا فوقكم
و سايبين الوطن عريان
..
مانيش عاجز عن الثورة
و لكني بقيت عاجز عن التصديق
بساريا الصِدق و لو سارية
ف بحر الكِدب
مش بتبان

اتعبتني جروحي
12-Jun-2011, 09:13
شكرآ لك دائمآ مبدع
تقبل مروري