المساعد الشخصي الرقمي

مشاهدة النسخة كاملة : لساني لا حفظك الله


AD Boy
27-Feb-2005, 03:31
السلام عليكم ورحمة الله وبركاته

كيف الحال عساكم بخير

هذي قصيده مكتوبه عندي في دفتر قديم حصلته البارحه

بس مادري منو اللي قايلها لانه موقع ومب حاط اسمه


قعدت بغرفتي وحدي أراقب وجهها المصقول=مرايا جد فيها خط له معنى يبكيني

رجعت أرسم علاماتي حساب للهجر مذهول=خطوط بالوصل وخطوط بالعبرات تطويني

بعد ما كان يمسح لي خطوط خطها بالطول=على وجه المرايا يحسب الايام يرجيني

لك الله ياخفوق الصب رقيق ما تروم الهول=هواها قد شغف بالك تمكن فيه تمكيني

وانا بين العرب جالس معاهم والفكر مشغول=معهام بالجسم والقلب في وادي المظانيني

صبرت وكل شيء له حدود وينتهي ويزول=بكيت وكل من حولي تسائل وش جرى فيني

تنفست وتنهدت اختنقت بعبرتي لا حول=اجر الآه من قلب عليل مات بيديني

جليسي لا تقطعني ولا تنشد عن المسؤل=انا المظلوم والظالم صوابي مني وفيني

انا الجاني وانا المجني عليه القاتل المقتول=انا اللي طعنتي يا وجعتي كانت بسكيني

انا اللي كم بنيت امال عرش طاح وأضحى طلول=يد تبني وكف تهد والثنتين كفيني

همومي لو تحط بقاسي الصخر انقسم مفلول=ولو حطت بطفل شاب راسه يا نظر عيني

بدمعي لو سقيت الورد من حزني اعتراه ذبول=ولو كلها بهيم هاج دمعه رحمت فيني

لسانك يالفطين افهم حصانك وانت به مسؤل=اذا خنته اجل خانك وجابك لاسفل الطيني

جمح بي ليتني مرخيت له حبل الرسن في قول=اصيل وكبوته عسره عليها الله يعيني

لساني لا حفظك الله ما سويت بي مجمول=عدمتك ليتني كنت اخرس أو من ضمن المجانيني

هنييالك يا فاقد عقل عذرك حجت المهبول=ولا يحتج لك اطنان من آسف وعذريني

انا خجلان اقول آسف ذنوبي فاقت المحمول=تعالي خففي حملي تعالي اليوم واسيني

انا دونك جسد والقلب اسير عندكم من حول=انا دونك حيات بالهنا معاد تعنيني

ولكن يا فؤادي قف تمهل واطلب المأمول=قنوطك شرك في ذات الاله وكفر بالديني

بريدك فيه معنى للفرح قم واحظن المرسول=توكل يا قلم واكتب حبيبي عاد يطريني

رساله في ثناياها ابين للمآسي فصول=ولا عندي عذر لكن امل فيكم يكفيني

اذا طيب الاصل حدك على آمالنا بقبول=انا مثل الغريب انا ما نسيتيها عناويني

القمر
01-Mar-2005, 02:02
مشكوووووووووووور اخوي على النقل والمجهود

والله قصيده حلوووووووووووه وتسلم يد كاتبها وناقلها

دوماً نرى تألقك المتميز بماتنقله لنا

سلمت اناملك

أختك
القمر

AD Boy
01-Mar-2005, 12:48
الله يخليج ويطول عمرج

ومشكووووره على الرد اللي نور المشاركة