المساعد الشخصي الرقمي

مشاهدة النسخة كاملة : [ لبّيه يا ضحكنا ، ولبّا [ مواجعنا ] ~


الغلا يرتجيني
28-Jul-2011, 10:19
بدآيه ..

حتى لو انّا قطعنا الصوت بنعاني !
الذكريات القديمه باقيه معنا !
وحتى لو انّا افترقنا كيف ينساني ؟
وشلون ابنساه وكلِ شي يجمعنا ؟!
كل الاماكن تردّد اجمل اغاني
كنّا نتسابق ونهديها لمسامعنا !
ليه نتباعد مادام الكون ذا فاني ؟
ليه عن دروب الوصل نعلن تراجعنا ؟
يعني وش اللي بعد للحين ما جاني ؟
وحظٍ جمعنا بالامس اليوم يقمعنا
ما همّني لو ظروف الوقت تعصاني
وما همّني لو عيون الكون تتبعنا
عندي الاهم شوفتك يا بعد من جاني
لبّيه يا ضحكنا ، ولبّا [ مواجعنا ] !







النص ~


ما ذبحني غير شوفة طلّتك بين المرايا
وما جرحني غير زلّات الزّمان وطعنتينه

طعنةٍ من قلّة التوفيق صارت بالحنايا
وطعنةٍ سبّة خفوقٍ باتت احلامه سجينه

الهوى اللي كل ما لدّت عيوني للبرايا
حط له في نون عيني قصّة الرحله حزينه !

ايه احبّك يا عيون اللي تحبّك والحكايا
خلّها تشبه بعضها ، نبعها زود الغبينه

الواشي اللي قد خسر قصّة هواه من الوشايا
مو ضروري كلّنا نخسر قصصنا لاجل عينه

في غيابك ليت تقدر بس تناظر في سمايا
تبكي كل نجومها والبسمه بيدينك رهينه

الغياب اللي خذاك بعيد سبّب لي عنايا
في المدينه وكنّي لحالي ما كنّي في المدينه !

كل ما قلت : [ القمر بيجيب علمه والتحايا ]
مد لي مع نوره ذكرى ضمّها في راحتينه

ليتني لا من سهرت الليل يتحقق منايا
وليت كل مديون لا غنّيت يستوفي لدينه !

من خذا روح وخفوق وفوقها بسمة شفايا
ليه يومٍ غاب ما رد الثلاثه للامينه ؟!

يدري انه لو يغيب سنين ما احتاج لوصايا
حشمتي لغيابه تشبه حشمته لوالدينه

مو مهم يغيب صوته ، دامه احساسه مدايا
ودامني اسمع صدى صوته يلبّي لكل [ وينه؟ ]

لو اقول اني قريت الوقت يبقى به خفايا
لو كشفنا ما كشفنا تبقى اسراره دفينه

الغدر عمّر ولا هو خايف تمرّه المنايا
دام به من باع قدره لاجل يمد إله بسنينه !

والقلوب اللي تعيش بصدق ونظاف النوايا ؟
لونها الابيض كفن عند النّذل ونفوس شينه

يا عيون الكون صدّي هذي احلامي عرايا
ماتت امن البرد غير البرد ما ترحم يدينه !

الى متى والحزن ينسج في حياتي له خلايا ؟
والى متى تجمع خدودي دموع عيني جمع زينه ؟!

يا قصيدي ارسل لمحبوبي شوقي له سرايا
وعلّمه بان الهوى ما مات من بيني وبينه

وعلّمه بان الفراق اهداني بغيابه هدايا
[ دمع ، وشوق ، وحظ لامن طاح ما يلقى عوينه ]

وعلّمه باني انتهيت ولا بقا فيني بقايا
والليالي لا بكيت ؟ بدمع عيني مستهينه !

وعلّمه من صارت الغيبه اختفا برق الثنايا
كنّها مسجونه خلف شفاهي بسجونٍ حصينه !

وعلّمه بان طيفه صار يحل في كل الزوايا
كنّه يحط حد لعيوني ، وانا عيوني ثمينه

ما تلد الا لشوفه دام شوفه هو هنايا
وما تضم يا كود زوله وضاع مفتاح الخزينه

وان خذا الاشواق والاحلام لوصالي مطايا ؟
مرحبااا من [ قلب صادق ] ، وارتميت بساعدينه






النهآيه :

حنّا ملينا الفضا ضحكات ، واماني
وحنّا قهرنا كثير اشياء تفزعنا !
على كثر ما هويتك ، وانت تهواني ؟
على كثر ما قدرنا الشين روّعنا !
وعلى كثر ما نجامل وقتنا الجاني ؟
على كثر ما يبي الفرقا ولا [ طعنا ] !
والواقع اللّي تحدّيت ، وتحداني ؟
اخترت منّه ملامح تحكي واقعنا :
الحب لولا معاناته والاشجاني ؟
ما كان صار اللقا [ ابرز مطامعنا ] !

MoŕHafạh
30-Jul-2011, 01:29
والقلوب اللي تعيش بصدق ونظاف النوايا ؟
لونها الابيض كفن عند النّذل ونفوس شينه

"


غلآوي ..

131//131//

ممرهـ ححزينه جدآ جدآ ..

بس ـآن ششاء الله القصيد يوصصل ..,


تسسسلم يدآتك حبوبه ..

مودتي ..

الغلا يرتجيني
30-Jul-2011, 03:43
رهووووفة
يب حزينة
يسلموو يالغلا ع المرور 104//

Қчฝąтăѓ
30-Jul-2011, 03:09
رائعه غاليتي ابدعتي
سلمت يدكَ يامبدعتناَ
,’
آحترامي لسموكَ

دلع الورد
31-Jul-2011, 03:43
))




والواقع اللّي تحدّيت ، وتحداني ؟

اخترت منّه ملامح تحكي واقعنا



.. رأقت لـ .. أحسساسي ..



......



غاليتي العزيزهـ 19//


سلمتي لـ مانثرتهـ لنا من رزائع

وسسلم نبض قلبكـِ .. و نزف قلمكـِ

ربي يعطيكـِ العافيهـ .. دائماً مبدعهـ .. 8//

كــوني بـ. خير لنا .. و لـ من تحبين 118//

لـ. .روحكـِ السسعادهـ الغامرهـ

<p align="center"><b><font color="#FF0000">( حتى يمكنك مشاهدة الصور و الروابط يجب ان يكون
لديك </font><font color="#0000FF">2</font><font color="#FF0000"> مشاركات او اكثر
، وحالياً لديك </font><font color="#0000FF">0 </font><font color="#FF0000">
مشاركة )</font></b></p>]

الغلا يرتجيني
01-Aug-2011, 08:12
مووني الله يسلمج
نورتي المووضووع

الغلا يرتجيني
01-Aug-2011, 08:13
دلع الورد

الله يسلمج اسعدني مرورج104//

أميرة قلبي
09-Sep-2011, 12:56
سلمت يمناك موضوع في قمة الروعه
يعطيك العااافيه ع الطرح الرائع

نتمنى لك التوفي ق

الغلا يرتجيني
09-Sep-2011, 04:37
اميرة
ماا الروع ال مروورج
الجميل بين طياات صفحااتي

القدساوية
12-Sep-2011, 09:05
<<لبيه يا ضحكنا ,,ولبا مواجعنا>>
موضوعج يالغلا عجييييييييييب ,,ويبكي بنفس الوقت:(

الغلا يرتجيني
12-Sep-2011, 10:39
قدسااوية
اسعدني مرورج يالغلا
:(:(
ادري انهاا تبجي

حلم النسيان
15-Sep-2011, 04:32
وعلّمه بان الفراق اهداني بغيابه هدايا
[ دمع ، وشوق ، وحظ لامن طاح ما يلقى عوينه ]

وعلّمه باني انتهيت ولا بقا فيني بقايا
والليالي لا بكيت ؟ بدمع عيني مستهينه !

وعلّمه من صارت الغيبه اختفا برق الثنايا
كنّها مسجونه خلف شفاهي بسجونٍ حصينه !



...


صح صح لســانـ شاعرهـا .. ويعطيكـ ألف ألف عافيــ هـ لنقلــ هـا ..


19//

الغلا يرتجيني
16-Sep-2011, 02:01
اللهـ يعاافيج يالغلا