المساعد الشخصي الرقمي

مشاهدة النسخة كاملة : قصيده الشاعر المظلوم..؟؟


ماجد البلوي
31-Oct-2012, 02:36
قصيده الشاعر المظلوم..؟؟

بسم الله الرحمن الرحيم

اقدم لكم قصيده عن الظلم

كان الشاعر السجين

على الشبك اثناء الزيارة للسجن وكانت

( ريم وأمها ) داخلين لزيارة سجينهم

والشاعر سمع صوت الأطفال فتذكر أبنائه

فدمعت عينيه

فرأته الطفلة ( ريم ) فقالت ريم لأمها :

( يمّه الرجال يبكي !! ،، فقالت أمها زاجرة : ريم !!! )

عندها ،، كتب الشاعر هذه القصيدة
::
أبكي وعيني تسهر الليل يـا ريـم
مدري بلاها الشوق والا الظليمـه

يا ريم دمع العين مدري على الريم
والا على قلبـن تواكـل صميمـه

تقول لاطمني علـى نونهـا سيـم
أبكي وعندي لأزرق الدمع قيمـه

ويمكن يكون الدمع للعيـن تكريـم
ويمكن يكون إلها عذاب وجريمـه

والله يا لولا دمعتـن كنهـا الديـم
راحت ضلوعي من عذابي حطيمه

ودام البكا يا ريم ما فيـه تحريـم
يا عنك والله لأرخص الدمع شيمه

وابكي على حالي من الوجد وآهيم
لين الزمن يخلـف عليّـه نسيمـه

أبكي حياتن صافيه ما بهـا غيـم
وين المحبـة والقلـوب السليمـه

أبكي قهر وابكي من الغبن والضيم
وابكي من طعونن بقلبـي قديمـه

غدر الزمن خلّى بوجهي مراسيـم
وما يذبح الرجال مثـل الهزيمـه

بعض المصايب شرها ياكل الهيـم
وشلون بكبود الرجـال الكريمـه

وبعض المصايب يخلفن المفاهيـم
تبغى على ما قيل صبر وعزيمـه

مظلوم بالدنيـا وغيـري مظاليـم
من عرض ناسن لبسوهم جريمـه

ما عاد أبي من سود الأيام تعليـم
عقب العذاب اللي كلاني جحيمـه

ولو تصفي الدنيا علـيّ الملازيـم
ما عاد أدور من وراهـا غنيمـه
وسلامتكم
تحيات
ماجد البلوي

amorat
01-Nov-2012, 06:09
رووووووعهـ

الله يعطيك الف عافيه



<p align="center"><b><font color="#FF0000">( حتى يمكنك مشاهدة الصور و الروابط يجب ان يكون
لديك </font><font color="#0000FF">2</font><font color="#FF0000"> مشاركات او اكثر
، وحالياً لديك </font><font color="#0000FF">0 </font><font color="#FF0000">
مشاركة )</font></b></p>