عرض مشاركة واحدة
غير مقروء 14-Mar-2007   #1
عُنفـوان صاحـب


الصورة الرمزية العازمـــــــي
العازمـــــــي غير متصل

بيانات اضافيه [ + ]
 رقم العضوية : 33804
 تاريخ التسجيل :  Jul 2006
 المشاركات : 9,141 [ + ]
 التقييم :  10
 :البوم العضو
 الجنس ~
Male
لوني المفضل : Darkorchid
عاجل قبيلة الشيخ امورات




السلام عليكم


هلا والله بالربع والجماعه كلهم
والله انا اليوم ابي اسولف عليكم سالفتي يوم انا اكالحين
قلت مالي الا ابربس هالسوالف من عندي هع
الله يازمان اول اشوى من زمان هالوغادين هع

ملاحظه

امورات = صاحب الموقع


هذا الله يسلمكم
اول فيه قبيله بدويه تعيش بالصحراء
ويقال له
قبيله امورات

وهالقبيله مثله مثل باقي القبائل تريد ان تنعم بالسلام فقط
وهذا اكبر همهم

مابلشو بالين والدولار والبترول وسوق المال وهالخرابيط الفاضيه هذي

كان شيبان القبيله كل يوم بالليل يجتمعون عند
الشيخ امورات

وكان دايم على يمين الشيخ امورات واحدن ينقال له ولـد الرياض

هذا هو يد الشيخ اللي يضرب به

وعلى يسار الشيخ امورات واحدن ينقال له
سارق الافئده

هاذ بس للقتراحات

وبه واحدن ينقال له
العازمـــي هذا شاعر القبيله

وفيه واحدن مقروووووود ينقال له عاشق امورات هي خاربه خاربه عاشق امورات تبي تطردني عادي هههه

هذا
عاشق امورات على باب الله كل من جاه سطرهـ
المهم ان هالقبيله جابو اكالحين رعيان من الصين

يوم الدنيا دنيا وهالرعيان الصينيين علمو اهل القبيله الكراتيه

الشيخ امورات له بنتن تذبح بالزين
ويقولون لامرت من عند الغدير تجضعوالبشر من زينها

هالبنت هذي ينقال
لها رسـاله حب
رساله حب تعلمت الكراتيه عسى ماعادت

والغربيه ان الشيخه
رساله حب ماتزوجت للحين

يقولون حاطه لغز واللي يحله يعرس عليها

ولغزها يقول ( وشو شينن يمشي على الجدار ويقول ميو ويبداء بحرف الوااو )

تقلبوا العالم والبشر يبون يحلون لغز
رساله ماقدروا

ومن ضمن اللي يفكرون ويحاولون كثير واحدن ينقاله
عاشق امورات

هذا اللي قلت لكم قبل شوي مقرووووود المصفقه

المهم
عاشق امورات جالسن ذاك اليوم براس رجم ضلع ويفكر باللغز

ومتقطعتن تسبدهـ يبي بنوت
هالشيخ امورات انتهت التعلله والشبه اللي عندهـ وراحو الجماعه لبيوتهم

وفرش فريشه يبي ينام

مادري الا ذاك المطفوق
عاشق امورات مطبقن فوق بطنه

ويقول ياشيخ ياشيخ لقيته لقيته

قال
الشيخ اموراات وشو اللي لقيته الله يقلعكـ

قال لقيته لقيته


قال اموراات اقول وشو اللي لقيته خذا الله هالشدوق

قال عاشق اللغز اللغز ياشيخ عرفت حله

قال الشيخ يارجال انقلع ولا اصبحنا تعال علمنا بحلكـ

قال ابد ما اتعدى من هنا الا انا قايل لبنتكـ الحل

قال يارجال فارق والصباح رباح

قال والله ما اتحركـ من هنا الا اكسر خشم بنتـك
امورات رساله حب

قال ياوليدي اذلف البنت نايمه

ما امداهـ يكمل حتسيه الا
رساله حب تقل وجه جنيه بينهم

قالت ماتعقب تكسر خشمي

قال والله لا اكسر خشمكـ لاني لقيت حل اللغز

قالت هاه ياسبع البرومبا وشو الحل

قال لغزتس ماله حل

قالت وشتقول

قال اللي سمعتيه ماله حل

قالت انا بنت ابوي

والله وهي ترقعه اكالبوووووز بالمقفى اللي من قوته قام يجنح وهو يمشي
المهم انه هرب من القبيله


وقام يفكر ويخطط ويدبر وشلون ينتقم من هالقبيله ومن
رساله حب اللي كل ماتذكرها اوجعه ظهرهـ

ومرت الايام والليالي والاخ
عاشق امورات شايلن هالشوته بقلبه حاقدن عليه

وقام يتنقل من ديرهـ لديرهـ يدور احدن يفزع له

ويوم مالقى احد يفزع له رجع لديرته

وهو بالطريق راجع للديرهـ

لقى اكالثنين متماسكينن الشوش

وواحد يشيل بالثاني ويضرب به

قال ابي افرقهم

والله وهو يطب بوسطهم عينو خير عينو خير

والله وهم يشيلونه فوووووووووووووق وهم يضربون به الا مايبي غيرهـ

والله جلسو لهم يجي نص ساعه وهم كل واحد يضرب الثاني وهو بوسطهم
يوم تعبو كل واحدن جلس وهو فحمان وينهت

وكل واحدن مطيرن عيونه على الثاني

قالو انت وش اللي جابكـ بوسطنا يارجل

قال والله شفتكم تخانقون وقلت ابي افرقكم ومادريت الا انتم ناطينن بحنوكي وانا بوسطكم بهالمعمعه

قال حديهم تشوف هذا اللي تدرج سعابيله
قال ايه

قال هذا خويي انا وياه لا لنا ديره ولا والي بس والله لامننا مالقينا احد نتخانق معه تصافقنا بيننا

وخويي هذا اذا مالقى احد تخانق مع نفسه يعني ندور الشر لوهو على

قال
عاشق امورات هذا والله عز الطلب يابو .؟؟.... الا وش اسم الولد يابو ؟

قال انا اسمي
البدر الحزين وخويي هذا اسمه دووودي
قال عاشق امورات

يالربع اسمعوني زيييييييييين
قالو هاه وش عندكـ ؟
قال يالربع انا سالفتي كذا وكذا وكذا .. وعلمهم بالسالفه

الوكاد ان هالثلاثه اتفقو على انهم يسوون هجوم على
قبيلة الشيخ امورات

قال عاشق امورات اصبروا يالربع ابي اشوف الوضع واتجسس واعلمكم

المهم شوي وهو جايهم قال يالربع الوضع تمام

وهالحين ابي اقولكم الخطه علشان نهجم عليهم

بس انتبهو من بنتن ينقالها
رساله حب << حاقد للحين من الشوته هع

قالو وشبها
رساله حب قال هذي رساله يبي له خطه لحاله

قالو وشي ؟

قال انا اذكر ان نومها ثقيل وانها لانامت كثيرة حركه وبس تحرك لمين تطلع من البيت
هالحين تلقونها متدربيه ورى الرواق

قالو تم

قال لازم نربطها وهي نايمه علشان والله ان قامت بنا انها لاتوطى بطوننا

قالو يارجال امش بس لا ندقكـ بهذا

والله وهم يمشون ويهجمون على القبيله

وهم يلقون
رساله متدحرجه وطالعتن ركيباتها برا بيت الشعر
وهم يربطونها ويكتفونها

قال
عاشق امورات يادوودي رح لم ابوهـ الشيخ امورات قومه من النوم وعلمه بالسالفه

وحنا نبي نجود
رساله لاتنطلق

والله وهو يطيردووودي يم ابوهـا.. قال ربطناه ربطناه ربطناه

وهو يقمز
الشيخ امورات من النوم قال وشي اللي ربطته يارابطكـ عزراييل
قال بنتكـ
رساله ربطناها

قال ياشيخ
انقلع ابي انام

قال والله مربطينها ونبي نذبحها واسمع صياحها تنتخي

قال انا اخو العيال وهو يقمز الا يده بحلق
دوودي

وهو يغوله << يخنقه

ويغوله لمين تناطقن عيونه قال وينهي يا الرررودي وينهي

والله وهم يتجمعون القبيله عند بيت
الشيخ اموراات ويوم شافو الا عاشق امورات والبدر الحزين حاطين السيوف على رقبة رساله

قال الشيخ امورات

يا عاشق ابعد هالسيف وانقلع يالله ولاتشوفكـ عيني

قال
عاشق امورات والله ماينقلع الا انت وهالشيبان اللي عندكـ وانا اخذ الشيخه

المهم ان
الشيخ امورات ماسكـ دوودي برقبته قال

والله ان مافكيت
رساله اني لا اذبح دووودي

قال اذبحه قلعته مهو من زينه

قال
الشيخ امورات لدووودي

يالله انقلع والله مانت حسوفه

يالله
ياعاشق امورات اطلق رساله ولكـ الشيخه وانت اللي تامر وتنهى

والله وهو يسلمه الشيخه ويطلق
رساله

المهم الشيخ امورات راح يدور قبيله تفزع له

واتجه لقبيله ينقالها قبيله
الشيخ مسكت

وخلونا نقول لكم نبذه عن ديره الشيخ مسكت

كان شيخها مسكت يحب القصيد مرهـ

وكان بالقبيله واحدن ينقال لها
اللص الحترف هذا فارس القبيله الاول وكا لايشق له غبار

وعندهم واحدن ينقا له
ملك الحروف هذا ملك ماغير يفرفر بهالفرس عند الغدير ويغازل

ويرقم هالبنات ولا له بالشر والخرابيط يعني متوطي المرجله توطي هع هع وكان واعد

واحد من اخوياه
اسمه دوودي الي معي عاشق امورات با الخير


كان
الشيخ مسكت جالس ماعندهـ من الشيطان طاري وشابن للربع

ومادري الا
الشيخ اموراات بوسطتهم ويقول داخلن على الله ثم عليكـ ياشيخ

قال
مسكت دخلت والله لعيناكـ ياوجه الخير ابشر باللي جيت له

قال تعال اجلس وعين من الله خير

والله وهو يجلس
الشيخ اموراات وقاله السالفه كيت وكيت وكيت وهذا اللي صار

قال
الشيخ مسكت انا اخو العيال والله لا ابرد تسبدكـ من عاشق امورات وربعه

وهالحين نبي نروح نتوطاهم توطي

قلا الشيخ
اموراات يارجال ابلع العافيه وتعال ماهي السالفه خذني جيتكـ

انا بنتي
رساله عندهم وان دريو اننا نبي نجيهم والله ان يذبحونها

قال
مسكت اجل وش تشوف ياشيخ

قال
اموراات تعال اربض بس خلنا نخطط لنا خطه

والله ويفكرون ويفكرون

مادريو الا الرعي بوسطهم يقول انا عندي خطه

قالو وشي

قال حنا عندنا فارس القبيله
اللص قالو ايوهـ

قال وعندنا
مستر مهستر تاجر وكل ديرهـ يجيها ولا احد يشكـ فيه صح .. قالو ايه انجز صح

قال ليه مانحط
اللص بالخرج ونغطيه بالهدوم والملابس ونخللي مهستر يروح لهم واذا قرب لعاشق امورات ا يطلع للص ويذبحه


قالو والله انكـ جبتيها ياطير شلوى

المهم نامو ويوم اصبحو ارسلو
مهستر وحطو فارس القبيله اللص بالخرج

راح لهم
مهستر وهو يحرج حول بيت الشيخ عاشق امورات

الا الشيخ عاشق كاشخن بالبشت ومتربع ببيت الشعر وياكل تونه هع هع

وعندهـ الربع والجماعه كلهم

ومن ضمن الي عندهـ
البدر الحزين ودوودي جحدهم هع هع
لنه هو انسان يحب النساء والشرب

لا وشوفو قليل الخاتمه
عاشق << من الميانه مخللي البدر يصب القهوهـ عنده

المهم شافو
مهستر متجمعاتن عليه الحريم ويشترن منه

قال
البدر لعاشق : ياشيخ عاشق ليه ماتباشر علينا

قال والله ابشروا بس وش تبون وانا
الشيخ عاشق

قالو نبي فشفاش وحب ياطويل العمر قال ابشروا والله

يالله صوتو للتاجر

نادو التاجر ويوم جاهم قعد
الشيخ عاشق ينفل ويفتش بالقش والاغراض

اللي مع التاجر

والله وهو ينقز
اللص من وسط الملابس يبي يذبح الشيخ عاشق


وهو يجي يبي يسجب خنجرهـ الا الخنجر معلق ماينسحب من الزمن هع هع

فما يمدااه لان الخنجر نشب ومسكووه وربطوه جنب
رساله حب

طبعاً كل اللي صار شافوهـ الشيخ مسكت والشيخ امورات يراقبون من بعيد

قال الشيخ
امورات هالحين هذا فارسكم هاللي ربطوه قال مسكت يارجال اصبر والله خانه الزمن ولا تره خوش فارس

هالحين بلشو جو يبون يفكون
رساله وبلشو بـ اللص ومهستر مربطين عندهم

وبهالوقت هذا مر من عندهم الرومنسي دوودي طاق الثمه وما عرفوووه وهو مزبرق

الفرس و معه
ملك الحروف الي متوطي المرجله توطي وهم بلشانين ويتشاورون وش يسوون


قال لهم
ملك وهو يشاور على نفسه ( اولولو اولولو اولولو الحئيئه ) << قولولوه قولولوه الحقيقه

قالو يارجال ماحنا فاضيلكم لكـ انقلعوو بس

قال الشرهه على اللي يجيكم يابدوووووووووو

المهم راحوو يكملوون طريقهم با المغازله وهم مخششين

والله ويقابلوون
العازمــي وقاله ملك تري دوودي كذي وكذي قااال العازمــي دااامه تاااب عااادي
بروووح ابلغ
الشيخ مسكت واشووف وش يقووول

طبعا للمعلوميه الشاعر
العازمـــي هو شاعر القبيلتين ههههههه

راح لهم
ملك بدار الندوهـ هع قال ياجماعه تبون رساله واللص ومهستر

والله وهم يستغربون وكل واحد يناظر بالثاني قالو وش عندهـ هالرومنسي مهتم بالقبيله بس خلونا نشوف وش عندهـ

قالو ايه نبيهم


قال خلاص انا ابي تجيبوون الدكتور التجميل يعدل في
دووودي شوي ولاتعلموون احد حتي رساله سر ويندفن قالوو تم والله وياخذ ملك دودي

المهم قضو من عملياتهم البولوجيه

وهم يروحون صوب الشيخ
عاشق امورات وهم متزينين ومتضبطين ومسوين محد يعرفهم من عمليات المكياج

وقلطهم الشيخ عنده

قال
عاشق لدوودي هالوجه ماهو غريب علي يالسكسوكة المباركه

قال
دووودي غريب ولا عجيب <<< يهستر

المهم دري
ملك ان البنات فكو الاسرى وعطوهم السلاح وصارو جاهزين للحرب

المهم صبوا
لملك فنجال قهوه

نسيت اعلمكم ان الحريم اللي مرقهم
ملك كانو معه وهم اللي فكو الاسرى

والله يوم التفت
عاشق الا عاشق ينااااظر في دودي و يتعرف عليه لن صار بينهم مشكله والله وهو يرشق الفنجال بوجهه وهو يقمز قال ضهوووووووووووورهن يالنشاما

والله وهم يطلعون ...
رساله معها عصيانها راعيه الكرتيه و مهستر معه الخنجر ومويه
اللص معه سيف

والله وهو يلقط ملك الدله ويمحط البدر الحزين الا مستديرن راسه ودايخ ومنصفر

وملك وخوياه يقمزون على عاشق امورات وهو يكتفونه ويتوطونه

المهم ببيت الشعر ثلاث خنقات ناسن تضرب
عاشق وناسن تضرب البدر

<<== لا تنسون الحريم خويات ملك الحروف هن اللي معه في الخناقه ههههههههه

والله وهم يربطونهم ويرسلون مسج للشيخ مسكت والشيخ اموراات يقولون ترنا سيطرنا على الوضع


يوم جاء الشيخ
اموراات وشاف وش سوو الابطال وشاف عاشق وربعه مربطين قام

يناظر لبيته والله وهي تنقط دمعته


قالوا له ليه ياشيخ تبتسي قال ابكي والله على هالبيت عقب ماهو للقصيد صار كله فشفاش وقواطي تونه

قال
عاشق الفشفاش والتونه ازين من وجكـ يامـ..... ( معليش تلقى رفسه من رساله حب وماكمل

قالو والله الفضل يرجع لله
ولملكـ وا الي معه

قال
دوودي اناا ياجماعه هواوي واحب الزين وهذا ماهو عيب

قالو الين انكـ صادق

قالو يا
ملك اطلب وتمنى بس

قال اترك الطلب لخويي
دوودي الظاهر ان ملك مزبن عمره

قال ابي تذكره لباريس ابي اغير جو

قالو التذكره جتكـ وغيرهـ

قال ابي
رساله حب حليلتن لي على سنة الله ورسوله

قالو والله لوهي ذبيحتن ماعشتكـ ترهـ جتكـ


هجد الغبار وعادت المياه لمجاريها بالقبيله


وملك للحين وهو يفرفر ويغازل

هالحين يالربع انتهت قصة هع هع



والمعذره يا اشناب اذا جاء مني قصوور ولا جبت طاري احد ترو الدعووه فرفشه هههه

ولا انسى البنات اللي هم السحالي اعذرونا ترى بجد امزح

ولا انسى جميع اخواني اللي بالقصه يعذروني ولا يزعلون الدعووه مثل ما قلت مزووح وترووح


rfdgm hgado hl,vhj


reputation


 

رد مع اقتباس