الموضوع: رواية مخ عربجي
عرض مشاركة واحدة
غير مقروء 12-May-2011   #27


الصورة الرمزية Rose lovers
Rose lovers غير متصل

بيانات اضافيه [ + ]
 رقم العضوية : 78566
 تاريخ التسجيل :  Apr 2011
 المشاركات : 49 [ + ]
 التقييم :  10
 :البوم العضو
لوني المفضل : Cadetblue
افتراضي رد: رواية مخ عربجي



الــبــارت الــرابــع " انـا لـآ ضـآقت بي الدنيا تجيني ¬»حاله استهـبال (•̪● " الجزء الاول




البندري طلعت وراحت فصل تولين
وهي تحس بغيض كبير
كيف وحده تتجرء وتطلع هالكلام على بنت خالتها اللي تعتبرها اختها وصديقتها

البندري فتحت الباب وهي تقول بهدوء غريب وعيونها تدور على البنات اللي جالسين يسولفون : وين ندى
ندى اللي كانت تسولف مع شلتها التفتت على البندري : نعم انا ندى
البندري بنظرات بارده وهدوء : ممكن دقيقه
قامت ندى وراحت مع البندري طلعوا من الفصل وقفلوا الباب
وهم واقفين قبال بعض قدام الفصل
البندري وهي متكتفه قالت بهدوء وغيض : ممكن أعرف من وين عرفتي الكلام اللي قلتيه لتولين
ندى ببرود : انا سمعت بنات يتكلمون
البندري بحقد : ومين البنات تعرفينهم
ندى بعدم اهتمام : لا
البندري بحده : طيب بأي سنه هم
ندى بنظرات إستهزاء : انا وش عرفني شايفتني أمشي و أسأل كل من شفتها انتي سنه كم
البندري استغربت طريقة كلامها قالت بتناحه : نعم
ندى ببرود : اللي سمعتيه وبعدين كل المدرسه تدري بالكلام هذا
البندري بنفس الاستغراب من طريقة كلامها : هاه
ندى بقرف : انتي ماتفهمين وبعدين بنت خالتك " قالت بطريقه استفزازيه " كل البنات يعرفون سوالفها وكل المدرسه تدري " قالت بأستهزاء " صارت حديث المدرسه
البندري طيرت عيونها من طريقة كلام هالبنت
تمالكت أعصابها لاتقوم وتكفخها
البندري بصوت غاااضب : أحترمي نفسك وبعدين هالكلام كله كذب " شافت نظرات السخريه وعدم التصديق قالت بحقد وصوت عالي " وربي لو أعرف مين الحيوانه اللي مطلعه هالكلام وربي مايصير لها طيب انتوا ماتخافون الله تطلعون كلام كذب على البنت
ندى سفهة البندري وهي تقول بسخريه وهي داخله الفصل : صدق لمن قالو عنك مجنونه على بالك انـ
البندري سحبتها من ذراعها وهي تقول بسخريه : اتمنى ان البنت اللي مطلعه هالكلام ماتكون انتي صدقيني اذا كانت انتي " قالت بسخريه قاتله " بس أقدر أقول ان اللي راح أسويه ماراح يعجبك " بعدت عنها "
ندى بلعت ريقها من طريقة كلام البندري اللي خوفتها
البندري بحده وغيض :صدقيني لو أعرف مين هي " ابتسمت بسخريه " راح أطلع كل الجنون اللي فيني فيها ولاتخافي " قالت بثقه " راح أعرفها
ندى طالعت البندري بتوتر هي صحيح مالها اي صله بالاشاعه اللي طلعت بس طريقة كلام البندري تخوف كانت تتكلم بكل ثقه وبرود مرعب حمدت ربها ان موهي اللي مطلعه الكلام على تولين
البندري طالعت ندى من فوق لتحت ببرود فضيع : قد أعذر من أنذر " وراحت "
ندى تنهدت براحه : أشوآ اني موب انا اللي مطلعه الاشاعه

&*&*&*&*&*&*&*&


بيت ام تركي

تاره كانت حاسه بطفش فضيع
حاولت ترجع تنام بس النوم عايفها
جلست بالصاله وهي تقلب في القنوات بطفش ورآفعه الصوت على الاخر
وهي سرحااانه
عمرها ماحبت الهدوء الزايد عن حده
ولاتحب تجلس كيذا لوحدها بدون شي تسويه
تاره وهي تزفر بضيقه : متى يجوووون أووووووف <~~ قصدها تركي و تولين
نقزت على التليفون وهي تدق على الرقم الوحيد اللي جا في بالها
جاها رد
: الوو
تاره حست بمغص في بطنها قالت بخوف عبيط : هاه

ابتسم لمن عرفها وقال بتريقه : وعليكم السلام
تاره وهي متفشله : ايه السلام عليكم ~ الله ياخذك مافي غيرك يرد على التليفون ~
قال بصوت هاادي لمن شافها ساكته : بغيتي شي
تاره بعبط وعفويه : ايه بغيت جدتي بس أخاف تلعن خيري لاني داقه هالوقت " سكتت لمن أستوعبت الكلام اللي قالته قالت بأبتسامه فشله " بغيت سفانه ممكن تناديها
ابتسم من عفويتها اللي متعود عليها قال بهدوء : لحظه أشوفها
تاره سندت ظهرها على الكنبه وتنهدت براحه
بعد دقيقه
: الوو
قاطعتها تاره بعصبيه : لعنة الله عليك يالوقحه يالخايسه يالحماره
ساعه ســـــاعه الواحد يستنا على التليفون
وبعدين السيد فيصل ليش هو الوحيد اللي يرد على التليفون
كرهة الاتصال على بيت جدتي منه الله ياخذه ويريحني منه
هو كل ما أتصل يرد ليش " قالت بحسره وهي تمط الكلمه " ليييييييييييييييييييييش
يعني انا ناقصه رعب فهميني ليش يرد وينكم انتوا ولا بس فالحه في النوم يالدبه يالخايسه ردي ليش ساكته يا مال المرض
سفانه تنهدت وقالت بهدوء : تراني فاتحه السبيكر
تاره شهقت وقفلت السماعه وهي تقول بغيض : يا مال ابو رمح يالحقيره وآآآآفشلتااااااه شكله سمعني " قالت بصوت خانقته العبره " جعلك ياسفااانوه التبن بموقف يفشل أكثر من هذا





 

رد مع اقتباس