الموضوع: رواية مخ عربجي
عرض مشاركة واحدة
غير مقروء 24-Jun-2011   #36


الصورة الرمزية Rose lovers
Rose lovers غير متصل

بيانات اضافيه [ + ]
 رقم العضوية : 78566
 تاريخ التسجيل :  Apr 2011
 المشاركات : 49 [ + ]
 التقييم :  10
 :البوم العضو
لوني المفضل : Cadetblue
افتراضي رد: رواية مخ عربجي



ابتسمت الهنوف على كلامها

سفانه وهي ترجع الجوال بشنطتها : تاروه تقول 10 دقايق وبتوصل

الريم : غزيل غزيلوووووووه

غزل بسرحان : هاه

الريم : هوا انشاءالله

غزل بدون نفس : خير

الريم : وش فيك لك ساعه سرحانه

غزل تضيع الموضوع : ولا شي آآخ بس متى نروح صراحه قرفت من الجامعه ودي آخذ إجازه الى مالا نهايه

سفانه وهي تطبطب على كتف غزل قالت بحسره مصطنعه : خلاص راح الكثير وبقي القليل

ضحكت الريم : وانتي الصادقه ماصدقت على الله خلصنا من المدرسه

الهنوف : اي والله ما أقول الا الله يعين البندري وتولين ولورا وسلافه على المدرسه

غزل تكمل : والنور ونواف وبندر وراما

سفانه : ايه والله الله يعينهم لسا باقيلهم كثير

الريم : بنات جات تاره

سفانه إلتفتت شافت تاره جايه وتأشرلهم بحمااس

لابسه تنوره جينز غامقه وبلوزه هاي نك لونها أورنج

ورافعه شعرها بأهمال وخصل نازله وحاطه ميك اب نااعم وهادي

كان شكلها مرره كيوت

تاره : هاااايو

البنات : هاايات

تاره جلست على الكرسي بعد ماسلمت على البنات وقالت بحماس : بنات اليوم بنروح البر

الريم ضحكت : يقالك الحين جايبه شي جديد

تاره بنفس الحماس : لايعني بس أذكركم

الهنوف : كيف تولين

تاره : الحمدلله عندها إنفلونزا حاده مدري ايش المهم غايبه اليوم وصكتها نومه بنت اللذين

الريم : يعني موب طالعه معنا البر

تاره : الا بتطلع

الهنوف بحمااس : بنات نسيت أوريكم صورت ولد رنيم << بنت خالتها تصير أختها بالرضاعه

تاره : والله طيب بسرعه ورينا

الهنوف طلعت جوالها وفتحت على الصوره و ورتها البنات

الريم : بسم الله الرحمن الرحيم وش فيه ذا فاتح عيونه كيذا

ضحكت الهنوف : مدري هو كيذا يفرصع عيونه دايم

سفانه : وش سمته

الهنوف : محمد

تاره بحماس : عاشت الاسااااامي والله يازين اسمه ياناس

غزل ضحكت : ايه عشان محمد ابوك تحمستي كيذا

الهنوف وهي تطالع بالصوره : شوفوا انتوا لو تخيلتوا ان خشمه صغير وعيونه موب مفرصعها زي كيذا والله يطلع حلو

الريم ضحكت: يمكن

الهنوف بضحكه : ماكانت راح ترسلي الصوره تقول ابوه خايف عليه من عيون الناس

تاره ضحكت وبسخريه : خايف عليه من عيون الناس ولاخايف على الناس من عيونوا اللي تفرصع

البنات إنفجروا ضحك على كلامها

:::/:::/:::/:::/:::/:::/:::/:::/:::/:::/:::/ :::/:::/:::/:::/:::/:::/:::/:::/:::/:::/:::/

في مدرسه الاولاد الثانويه الاهليه

الحصه السادسه

فراغ ماعندهم شي لان أستاذهم غايب

بندر فاقع ضحك : انت من جدك

نواف : يعني أمزح معك

بندر وهو يضحك : قول قصم ماتعرف تسوق

نواف تنهد وبقهر : وربي وطبعا انا موب مثلك عندي أحد يعلمني انت عندك سليمان و ابوك

وانا ابوي مسافر وما اعرف وش اسوي

بندر : خلاص اليوم لمن نروح البر انا أعلمك " ضحك " طيب عندي فكره دامك ماتعرف قول لغزل تعلمك

نواف : وانت وش عرفك ان غزل تعرف تسوق

بندر ابتسم : كل بنات العائله يعرفون حتى تولينوه الخوافه تعرف وانت يالرخمه ماتعرف

نواف : كل تبن انا موب رخمه وخلاص بكلم اليوم تركي أقوله يعلمني لانه صراحه هو الوحيد اللي من الشباب عنده إسلوب ومايحب يتريق على الناس موب مثلك فضيحه محد يعلمك على شي بعد اليوم


بندر وهو يضرب نواف على كتفه : أفا يالنوفي انا فضيحه مقبوله منك بس والله كنت أمزح معك

نواف ابتسم ومارد

:::/:::/:::/:::/:::/:::/:::/:::/:::/:::/:::/:::/:::/:::/:::/:::/:::/:::/:::/:::/:::/:::/

بعد انتهاء دوامات المدرسه والجامعه

على العصر الساعه 5 ونص

كل العائلات تتجهز لطلعت البر

الكل طالع

ماعدا الجده لانها ماتقدر تروح وام فيصل اللي بتجلس معها

و من الرجال " ابو سليمان لان عنده شغل بالشركه ويمكن يلحقهم بعدين

و ابو نواف لانه مسافر


 

رد مع اقتباس