ديكساميد او الحبوب السورية لتسمين الخدود ... انتبهــوا

لتسمين , الجبنة , الحدود , السورية , انتبهــوا , ديكساميد

ديكساميد او الحبوب السورية لتسمين الخدود ... انتبهــوا

السلام عليكم ورحمة الله وبركاته


انتشرت هذي الايام حبوب اسمها ديكساميد أو الحبوب السورية لانها صناعة سورية والبنات صارو يستخدمونها حق تسمين الخدود وللاسف لو تبحث بمحرك البحث قوقل تلقى مرادف كلمة ديكساميد =تسمين خدود = نفخ الخدود
وتعال واقرى تجارب البنات عنها طبعا الاغلبية يقولون انها فعالة وزينة ومالها اضرار ... مستانسين بخدودهم بعد ماشربو هالحبوب بس انا اقولكم تجربة شخصية .. وهي لاختي انا .. انها صج فعاله وانفخت الخدود وصار فيه تغير لاحظته على وجه اختي .. بس شلون صار هالشي؟
انا اقولكم...
اولا صارت تاكل اضعاف ماكانت تاكله اول .. تخيلو اتعشى معاها وبعد عشر دقايق قالت يوعانة
انا انصدم منها .. وتقوم الصبح وبأي وقت على غير عادتها من الجوع.. وبعدما كانت تكره شي اسمه مطاعم.. صار همها الاكل وبس لو حتى من اي مطعم تطلب .. شراهه مو طبيعية.. هههههههههه بالعافية عليها بس هذا شنو معناه؟ معناه ان الحبوب هذي تخلي العصلة يعني الضعيفه موت.. تخليها ماتطلع من الباب من السمنة .. تخيلي لو جسمك عادي وحلو وتاكلينها عشان الخدود فتضاعف من وزنك .. ماستفدتي شي... وغير هذا كله.. انها تحس بضعف بالمفاصل وانها تعبانة وتغير بالمزاج وهذا الكلام اثبتته دكتورة سألتها عن الحبوب هذي وقالت واهي متعجبة من الحبوب : كلهااااااااا كورتيزووووووووون؟؟؟؟؟
واهي اساسا خافض للحرارة ولها استخدامات طبية مالها اساس بتسمين الخدود !!!!
والبنات لط فيهم عشان شي تافه ويقدرون يلقون بديل عشبي او دهان سطحي عشان اللي يبونه ...
الحقوق : منتديات شبكة امورات : منتديات شبكة أمورات عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
اختي حاولت تقطعهم وتعبت حيل .. عظامها ماتشيلها وتحس انها عصبيه ومتنرفزة وحالتها حالة
والله ماتسوى عليها... وعرفت انهم يحبسون الماي بالجسم عشان جذي الوجه ينتفخ..
فسألت الدكتورة وتأكدت وقالتلها لازم تقطعينهم بالتدريج مو مرررة وحدة؟
يعني شوي شوي ولا ترى راح يضرونج..
مع العلم ان اختي اشترتهم مو من صيدليه ولا من مكان معلوم .. خذت رقم وحدة تبيعهم عالبنات بالسر!!!! اتفقت معاها بمكان معين وراحتلها اختي !!
حشى مخدرات اعوذ بالله.. من يومها قلت لاختي ترى هذيله الحبوب فيهم بلى والله يستر
وبالكويت عندنا يبيعونهم باسعار متفاوتة يعني كل وحدة على كيفها... الله لايجازيهم خير
وحدة تبيعهم بعشرة دنانير ... وحدة شفتها بمنتدى تبيعهم على اربعه دنانير!!!!

الله يكافينا شر هالناس ماتخاف الله
ديروا بالكم يا بنات تلعبون بصحتكم وترى تختلف الاضرار من جسم الى جسم يمكن تكون اكثر من جذي واسوء



طولت عليكم اعذروني بس من حر مافيني ابي انبهكم


تمنياتي لكم بالصحة والعافية
كل الود

المصدر : منتديات شبكة أمورات

---

]d;shld] h, hgpf,f hgs,vdm gjsldk hgo],] >>> hkjfiJJ,h hg[fkm hgp],]

مشكوورة اختيـ على التنبيه

وان شاء الله يستفيدون منه الاعضاء !!