منتديات شبكة أمورات

 

 ننتظر تسجيلك هـنـا


منتديات شبكة أمورات

 

 
العودة   منتديات شبكة أمورات > ღღღالمنتديات الأدبيةღღღ > قصص رومانسيه واقعيه - روايات متنوعه
المشاركات الساخنهأختبر معلوماتك-مسابقاتاوسمة المتميزينأفضل الاعضاءإدارة شبكة اموراتلعبة X & Oصلاحيات العضوياتمحطات التلفزيون العالمية
إرسل رسالة SMS مجاناالكلمات الدليليةمدونات الاعضاءمسابقات وجوائزالبومات وصور الاعضاءالخبرة والمستوىقائمة الاصدقاء
التسجيل الإنتقال السريع مجموعات متميزة روابط إضافية اجعل كافة الأقسام مقروءة

أهلا وسهلا بك في منتديات شبكة أمورات

مرحبا مع كل شروق شمس وغروبها..مرحبا عدد نجوم السماء اللامعة في الأفق

أتمنى أن تجد في منتديات شبكة امورات مايُرضي ذائقتكـ ..نحن بإنتظار ماسيجود به قلمكـ لنا هُنــا

قصص رومانسيه واقعيه - روايات متنوعه لسرد القصص والروايات وتنمية خيال الاقلام
 

 

إنشاء موضوع جديد  إضافة رد
أدوات الموضوع انواع عرض الموضوع
غير مقروء 21-May-2011   #13
هذي حياتي عشتها واتعبتني امشي على درب الفرح ومالقيته


الصورة الرمزية الغلا يرتجيني
الغلا يرتجيني غير متصل

بيانات اضافيه [ + ]
 رقم العضوية : 69899
 تاريخ التسجيل :  Jul 2010
 المشاركات : 5,066 [ + ]
 التقييم :  10
 :البوم العضو
 الجنس ~
Female
 MMS ~
MMS ~
 SMS ~
خـلـأص بغاادر ب هدنياا ماا عااد لي خااطرر..
لوني المفضل : Darkblue
افتراضي رد: رووواية ياليتني من قبل لا احبه اقفيت



صبووحة

مهووبة

معقوول

تلوو

يسلموو ع المرور


تش تش شنوو هي الكلماات ..؟؟


 

رد مع اقتباس
غير مقروء 21-May-2011   #14
هذي حياتي عشتها واتعبتني امشي على درب الفرح ومالقيته


الصورة الرمزية الغلا يرتجيني
الغلا يرتجيني غير متصل

بيانات اضافيه [ + ]
 رقم العضوية : 69899
 تاريخ التسجيل :  Jul 2010
 المشاركات : 5,066 [ + ]
 التقييم :  10
 :البوم العضو
 الجنس ~
Female
 MMS ~
MMS ~
 SMS ~
خـلـأص بغاادر ب هدنياا ماا عااد لي خااطرر..
لوني المفضل : Darkblue
افتراضي رد: رووواية ياليتني من قبل لا احبه اقفيت



كت و مت بالحسره و لا ادري و شهو احسن لي

في صبــآح يوم جديد من العطله الصيفيه << اموت يالفصحى هع
ريم:الحمدلله الذي احيانا بعد ما اماتنا وإليه النشور << تو تقعد من النوم
ام حامـد:صح النوم الساعه 4 العصر
ريم:صح بدنج يمه
ام حامد: من اليوم وانا ضايق خلقي قاعده لحالي انا و الكادي
ريم:يمه قلت لج اسهري معانا لبعد صلآة الفجر و نامي للعصر
ام حامد : تدرين اني امس ما نمت الا بعد صلاة الفجر بس قعدت الظهر اطبخ الغدى
ريم:اي يا بعد قلبي يمه ما تقصرين
ام حامد"جاها اتصال من امها اللي هي جدة ريم"
ام حامد:هلا يمة عاش من سمع هالصوت
الجده:هلابج زوود عاش غاليج يابعد زولي
>> ودارت المكالمه بينهم
ريم"ماسكه نقالها و واقفه":يمه سلمي عليهااا
وطلعت ريم من الصاله واتجهت للمطبخ
ريم:الله امي وش طابخه صينية دجاج يا حركتات والله
عاد جوعانه
اسواره"دخلت الطبخ":جوعانه وانتي تو قاعده من النوم
ريم:مو يا حياتي النوم يجوع جربي نامي 12 ساعه بتجوعين
اسواره:والله نمت 12 ساعه ما جعت نفسج
ريم:مو انتي شعرفج بأسرار الرشاقه خلي الرشاقه لاهلها
اسواره : والحين بتقنعيني ان النوم يضعف
ريم:امممم وليش لأ اصلا ثبت علميآ انه يضعف انا سمعت من الدكتور مدري شسمه يقول جذي
اسواره:والدكتور ما تدرين شسمه على أي قناة طالع
ريم"تغرف بالصحن:الحين لا تعطليني وافتحي لي ببسي
اسواره:وتتشرطين بعد لا حبوبه ان فتحته بشرب نصه
ريم:وهل تتوقعين اني بخرب مقادير اكلي واشرب نص ببسي لا لا مستحيل
اسواره:أللي يسمعج يقول مو من شوي تتكلم عن الرشاقه
ريم:حلو الواحد تكون له عدة وجهات نظر في كذا موضوع
اسواره:هاه
ريم:ههههههههه اقول اطلعي عطلتيني عن غداي و ريوقي وعشاي
تقعد ريم على الطاوله وتحط الاكل : بسم الله الرحمن الرحيم وتبدى تتغدى
وتلعب بنقالهـآ
خلته وإلتهت بالغدى

شوي ولا يدق عليها رقم ما توقعت انه يدق اصلا نست هالرقم
ليه يرجع شلون يتصل مره ثانيه لا تكفين يا عيون ريم كذبي هالرقم
خلاص كافي اوجاع كافي التحطيم اللي ذقتيه لا ترجع خلاص مو وقته يرجع هالرقم
اصلا نسيناه ليه يرجع
ريم : كح كح وتترك القفشه وطابت نفسها من الاكل
ورجعت الصاله
ريم:ها يمه شخبار جدتي
ام حامد: بخير تسأل عنكم وتسلم عليكم
ريم:الله يسلمها والله لها وحششه يمه تكفين خلينا نعيد عيد
رمضان عندهم
ام حامد:لا مافي سفر السنه هذي
ريم"سررحت مو مع امها:
ام حامد: ريم ريم
ريم:.....
أم حامد: ريـــــــــم
ريم:هاه هلا يمه
ام حامد : أشفيج ؟
ريم:لا يمه ما فيني شي بس بطني يعورني شوي
ام حامد: من هالببسي اللي تشربينه قومي اشربي شي حار
ريم:ان شالله الحين اقوم
راااااحت ريم الغرفه وهي للحينها مصدومه
من الرقم اللي دق وحطت نقالها مغلق ولا لها خلق تكلم احد

دخـل حامد الغرفه اخوهـآ الكبير عمره 25 سنه طيار حلو حنطاوي
طويل كتوفه عريضه و عيونه وساع ومسوي الموضه الجديده
اللي بس شنب اللي كنها موضه السبعينيات بس حلوه الموضه

حامد:ريم ريم
ريم:.....
حامد:ريــــم
ريم:هاه يا اخي اشـتـبي
حامد:لي ساعه اناديج اشفيج
ريم:مافيني شي تبي شي
حامد:صج مو كفو طلع وسكر الباب
ريم"تذكرت انها بتعطيه لابها يصلحه"
وطلعت حامد حامد
حامد:...ما يرد عليها
ريم:حااااااامد لحظه تذكرت والله ما كنت منتبهة لك
اخذ اللاب معاك صلحه
حامد:من شوي تردين بنفسيه يلا جيبيه انتظرج
انا بتقهوى مع امي بالصاله

راحت ريم خذت اللاب من غرفتها وهي بالممر صدمت بإسوارة
ريم:اي
اسواره:اشفيج سرحانه
ريم:مافيني شي بعدي
اسواره:كل هذا ومافيج شي
ريم:خلاص بعدين اقولج

ريم عطت اللاب لحامد ورجعت غرفتها مره ثانيه
أنا مقدر أكون .. اني حبيب في بعض أحوال
أنا كلي أجي .. و الا أروح بعزتي .. كلي

زينب "تكلم بالتليفون صديقتها الزين":هلا والله انتي شخبارج
الزين:بخير ياقلبي انتي شلونج
زينب:انا بخير الله يسلمج مثل ما تركتيني
الزين:يعني ما تغير فيج شي

الزين..وحده من الشله عمرها 17 سنه بنت حلوه شعرها طويل اسود
وعيونها وساع وحواجبها مرسومه و وجها متنسق يعني البنت حلوه

زينب:لا مثل ما انا انتي قولي لي عن اخبارج
الزين:اخ يا زينب شقولج بس خليها على ربج
زينب : ليش أشفيج ؟
الزين " تـتـنهد":عمتي زعلانه على ابوي
زينب:ليش اشصاير؟
الزين:لأني رفضت ولدها مساعد مابيه اهو مو غصب يا زينب
زينب:ايه كملي هي اصلآ متى اخطبتج
الزين:أصلآ حمد ولد خالتي اهو اللي خطبني اول
واحسه يناسبني اكثر من مساعد لا جينا نقارنه بمساعد
زينب:وانا معاج اذكر يوم سولفتيني عن حمد وكنتي مواقفه عليه
الزين:انا شكلي ابرفض الاثنين

لو نرجع ورى للماضي بنتذكر كم موقف للزين..
الزين:يمه الراي ر ايج
ام الزين:الزين حبيبتي انا مابي اضغط عليج
بس ولد خالتج حمد اهو اللي قال لامه انه يبي يخطبج
الزين:يمه براحتكم
ام الزين :انتي برايج تاخذين مساعد ولا حمد
الزين"اخترعت":مساعد لأ يمه تكفين الا مساعد

مساعد:شخص طويل وضعيف واخلاقه نص ونص
اما حمد جامعي وخلوق مع انه دب و مو حلو

زينب:انتي طحتي بين نارين
الزين : شفتي شلون انا الحين محتاره

والسوالف خذت مجراها بين الزين و زينب

انـــى محبوووبي
بعد بكـرهـ زوااااجه

محطهـ منال تبكي
؟؟؟

تـــرى وقتي بــلا شوووفك
خسااااره
سلوووى زعلانه
؟؟؟؟


الــــــــــــــــــبارت الثاني

مـن رجعـك كنت السفـر من رجعك
ضـــاع الطرـريق ؟؟
أو ضــيـــــــــعك ..!!

حنين:منال منااااال
منال قاعده عند مع امها وجاراتهم مجتمعين
منال:اسمعي جنان
حنين قطعت السالفه:منال قومي شوي
منال:لحظه حنين
حنين:قومي منال وتمسك منال من ايدها
وتقومها
منال:خير اشفيج
حنين خذت منال للغرفه
حنين:منال مشعل ولـد عمـي عندنا
منال"قلبها يطق من داخل":انزين وانا شكو مناديتني الحين
حنين:تدرين ابوي للحين ما جا من صلاة العشا
منال"ارتبكت بس ما تبي تبـين تراها ميانه مع عيال عمها متنربيه معاهم":انزين انا بروح اشوفهم
راحت منال و من عادتها ما تتغطى عن عيال عمها

مشعل ولد عم منال حنطاوي طويل عريض الكتوف
مسوي قفل و يدرس طب عمره 20 سنه طبعا هو ثقيل على البناات
ومايعطي وجه لأحد

منال
الدوانيه أللي كانت عباره عن جلسه أرضيه
لونهـآ سكري و السجاد ألي فيها سكري
مع نقش لونه بيج
والستاره أللي لونها بيج وبالوسط شاشة
بلازما وبالوسط منقل عليه الدلال وابريق الشاي
وبجنب المنقل الفناجين والاستكانات
و ريحة البخور في كل مكان بالدوانيه

دخلت منال الدوانيه":السلاااااام عليكم
مشعل"وقف بوجه منال وسلم من بعيد":هلا فبـنـت عمي حياج
منال:الله يحييك شخبارك
مشعل"يطالع بمنال وانتبه على نفسه ونزل راسه وقعد":بخير عساج بخير انتي شخبارك
من بعد الثانويه صرنا ما نشوفج
منال:تدري مشاغل بما اني خلصت الثانويه العامه
فتحت لي شركه
مشعل"بإبتسامه اوه اوه شركه
انزين اعزمينا عليها نشاركج فيها
منال "انتبهت على كلمة نشاركج وابتسمت ":لا حلالي ما ارضى احد
يشاركني فيه
مشعل:اشرايج دام كذبه وكذبه
ترى نص الاسهم اللي بالسوق لي
منال:هههههههههههههه نصها لا انا كلها
مشعل"بإبتسامه":بـتـقنـعيني انج صرتي سيدة اعمال
والله شكله يا بنت عمي قعدة البيت أثرت على مخج
منال:والله مشعل لو اقولك عن ضيقة الخلق
اللي انا عايشه فيها بـتـبكـي
مشعل:والله يا منال البنت مالها الا البيت
منال"انتبهت عليه لمن ناداها حست ان اسمها له نغمه ثانيه":معقول مشعل انت تفكيرك جذي
مشعل:بحكم اني رجل بدوي اكيد بقولج جذي بس اهم شي
يكون مع البنت شهاده
منال:اشوه خرعتني
مشعل"يحط ايده ع شعر بطريقة ثقه":لا تطمني انا من ناحية الدراسه
مع الدراسه مو ضدها
انفتح باب البيت و دخل ابو ناصر بعد ما جا من صلاة العشا
ابو ناصر:السلااام عليكم
مشعل "قام بوجه عمه واتجه له وباس راس"وعليكم السلام هلا والله عمي
ابوناصر:هلا بك مشعل والله فيك الخير تزور عمك
مشعل:افا عليك عمي ان ما جيتك محد يستاهل اجيه
ابوناصر:حياك تفضل بشرني عنك و عن اهلك
مشعل:والله بخير يسرك الحال انت طمني عنك
مشعل"تمركى مع معه وقعد جنبه ويقهوي عمه"
ابوناصر"طيب مع بناته حيل و مدلعهم":تعالي منال اقعدي
منال:لا يبه بدخل داخل بعد انا من اليوم كنت قاعده
مشعل كان بروحه الحين بدخل
مشعل:الحين مسويه فيها استحيتي
منال:هههههههههه لا والله بس خلاص ابوي و جا
يكفي و يوفي اكيد
ابو ناصر"مبتسم "
منال : مع السلامه سلم على البنات
مشعل"اللي يطالع في منال و مبتسم ":يوصل

دخـلـتـ داخل وهي مستانسه من زمان
ما حست بهالوناسه هذي تسولف مع
مشعل و السوالف تطلع من حالها

حنين:انتي وينج منال كل هذا بالدوانيه
منال:ايه تو جا ابوي ودخلت
حنين: امي تسأل عنج تدورج

منال"بإستغراب"ليش في شي
حنين:ايه بالغرفه تنتظرج

دخلت منال الغرفه
أللي لونها وردي وفيها نقش
بسيط نفس شكل الورده جنب بعض
وسيراميك وردي فاتح
وفيها سريرين نفس التصميم
لونهم وردي والكرف مالهم أبيض ونقش
بسيط بالوردي وبالوسط سجاده فوشيه
عشان تكسر حدة اللون ودائريه وفيها
خيوط ناعمه متناثره عليها والثريه الكبيره
اللي عباره عن الليت يكون دخل ورده
لونها اصفر الليتات والتسريحه بالوسط صايره
وعليها مفرش أبيض وفيه دانتيل و انواع البخور
والعطور وفيها ادراج لاغراض البنات

دخلت منال الغرفه ولقت امها قاعده على
السرير تنتظرها ومعاها اختاها الكبيره
فرح متزوجه وعندها ولد
ام ناصر اللي كانت تسولف مع فرح
وبمجرد انا منال دخلت انهت الحديث:منال تعالي اقعدي
منال:هلا يمه آمري
ام ناصر:انتي تدرين يا منال انتس خلصتي
المدرسه وكبرتي عمرتس 17 سنه
فرح"اللي كانت ساكته وتسمع للحديث"
ام ناصر:منال انا كم مره قلتلتس تغطي
عن عيال عمتس
منال"تذكرت":يمه تكفين والله ما اعرف
انا تربيت معاهم
ام ناصر:لا يا منال انا قلتلتس تغطين عنهم
وماتقعدين معاهم ولا ترى بزعل عليتس
فرح:منال احنا ندري عن شي
انتي ما تدرين عنه
ام ناصر:منال انا قلتلتس عيال عمتس
مافيه قعدة معاهم انتي تبين رضاي ولا لا
منال"بصدمه":اكيد يمه ابي رضاج بس ليش
فجأه جذي اعلنتي قرارج
ام ناصر"قامت عشان بتروح للصاله":انا قلت لتس وخلاص بعد ين تعرفين
عدلت ملفعها ام ناصر وطلعت من الغرفه
جت فرح بتقوم: مسكتها منال :فرح بالله امي ليش تقول جذي
فرح"مربعه ايدينها ":قلت لج بعدين تعرفين
الحين مو وقته انج تعرفين وطلعت فرح وتركت
منال اللي غورقت عيونها وبدت تبكي
حست انها مو فاهمه شي ولا تدري عن شي
وضاق صدرها من الموقف وليش امها تكلمها بالطريقه
هذي سامعه شي صاير شي تقولها احد يريحها ويقولها
و زاد عليها فرح أللي تقولها تفهمين بعدين
شنو أللي بتفهمه بعدين ..

تتوقعون منال اشفيها في احد متكلم قايل شي؟
هل امها خاشه عنها سر هي وفرح ؟
وشنو هالسر؟


أثر صدق الغلا يجبر حطام الخاطر المكسور
وانا مهما منحتك من غلاي اشعر بتقصيري

الجود بالمطبخ اللي عباره عن بورسلان ابيض
واضاءه لونها ابيض على الجوانب
وبالوسط ثريه عمليه داخلها الليت الاصفر
والكبت كان مغطى مغطى بالخشب وكانت اطرافه
باللون الذهبي الخفيف وبالوسط طاوله كبيره
وكان بابه مفتوح على الحديقه

الجود:تعالي ساعديني بالعشا
سـلوى:يالله جايه
الجود:اشفيج مكشره
سلوى:شفتي امثال شلون تسولف عن بندر
ابي افهم هي شكو تسولف عنه
الجود:هذي الله راح يبيلها بيوم من الايام
سلوى:قبل يوم ما كان فيه شي كانت تحاول
تنرفزني وتطلع عنه سوالف
الجود"وهي تخلط السلطه بعد ما حطت عليها الملح والليمون":خلاص سلوى سكري الموضوع
بعدين نفتحه
سلوى:انتي دايم تفتحين المواضيع بس لاجيت
اسولف تقولين سكري الموضوع
الجود:انزين اخذي السفره وديها للمقلط عشان يتعشون الرجاجيل فيها
سلوى"راحت فتحت باب كبت المطبخ أللي فيه السفره
وخذت السفره:و راحت تفرشها و هي ماشيه مرت من باب الدوانيه
أللي فيها عمامها و ابوها
عمها ابو بندر وعمها ابو نواف اللي بنته امثال
وابوها
ابو بندر:والله انا بندر ولدي ادعي الله يشفيه
ابو نواف:انا اقول زوجه بنيه تقوم فيه
ابو بندر:ومن ترضى تاخذ ولدي وهو بهالحاله مشلول
ابو فهد"ابو سلوى":فيه بنات الخير كثير
ابو نواف:انا اقترح انك تاخذ له بنت ماهي متعمله
تقدر تقوم فيه
ولا ياخوي تدري لو ولدك مهو مشلول
والله محد يرده عن امثال بنتي
ابوبندر حزت بخاطره كلمت اخوه:لا تطمن ياخوي انا مابي
اخذ منكم مابي بنات عمه يبلشون فيه
ابوفهد"تدارك الامر":وقال حياكم على العشا تفضلوا

سلوى سمعت كل شي وانصدمت من داخل تكسرت
مو مصدقه اللي تسمعه بيزوجون بندر عشان وحده تقوم فيه
هي راضيه تخدمه العمر كله من غير مقابل بس ما تتركه
ما تقدر تتكلم منو يسمعها منو بيقول وجهة نظرها
هي عيب تتكلم مايصير هي بــنـــت مايصير تتكلم
محد يدري بالحب اللي بينها وبين بندر
الا الجود اختها
والجود بنت مثلها ما تقدر تتكلم

فرشت سلوى السفره وانحاشت داخل قبل
مايجون على العشا

راحت غرفتها اللي عباره عن
صبغ لونه بنفسجي هادي وسريرها اللي بالوسط باللون السلفر
والكفر ماله بنفسجي وفيه مخاد وكوشيات سلفر
وكوشيه على شكل ورده بالسلفر
وطاوله اللاب توب على اليمين لونها بنفسجي
بتحديه سلفر وعليها اللاب الوردي
وتسريحة سلوى اللي لونها سلفر وعليها مفرش بنفسجي واطاراته
سلفر غرفة هادئه
تدل على الانوثه
راحت سلوى واستلقت على سريرها
وفكت شعرها وما حست الا و دموعها بدت تنزل

وجاهـآ مسج من بندر أللي كان بالرياض
تحديدآ في غرفته وكان يائس من حاله
بس يحمد ربه انه جات على كذا
لأن الحادث اللي صارله بمكه كان قوي

كان راكب مع سواق التاكسي توهـ طالع من الحرم
بنـدر:منا ومنك يا سلوى
والله تمنيتك معنـآ بالعمره
سلوى:والله وانا تمنيت العمره كثير
عسى دعيت لي
بندر :افا عليك وانا اقدر انساك
سلوى:تسلم والله ما تقصر
بندر:اقول سلوى بسكر طلعوآ من البقاله
بس اروح الفندق اكلمك
ولا تنسيني من الرسايل
سلوى"استحت:ان شالله مع السلامه
بندر:فمان الله
ابو بندر:اقول انا وامك وشهد وترف وفيصل وحمد بالتاكسي ذا
وانت اطلع مع التاكسي اللي وراه
بندر اكبر اخوانه ضعيف ومتوسط الطول عمره 19 سنه
حلو ويدرس في الجامعه اتصالات وملاحه
شهد عمرها 15 سنه بأول ثانوي شعرها قصير
لونه بني ونعومه اللي يشوفها يعطيها اصغر

ترف نسخة اختها وعمرها 12 سنه بس ان شعرها خشن شوي
فيصل دب يا حليله طالع على منو ما ندري عمره 8 سنوات
حمد ضعيف وصغير عمره خمس سنوات

ركب ابوبندر مع عياله بالتاكسي
على اساس يروحون الفندق
وبندر ركب مع التاكسي الثاني

وراهم
بندر:ماشاء الله مكه دايم زحمه
راعي التاكسي اليمني:والله بقالي 20 سنه اشتغل هنا
ودايم زحمه ماشاءالله ماتفضى
بندر:بس تصدق تفتح النفس مكه
وتشرح الصدر
راعي التاكسي :إي والله صادق في ذي
انت من فين ؟
بندر:انا من الرياض
راعي التاكسي:والله الرياض كمان زحمه زي مكه
بندر:اي والله تغيرت الرياض
و جاه مسج بندر من سلوى

((مايفيـد العتـب خـل العتـب والـمـلام
لـو يفيـدون قـدرت المحبـه وجـيـت))

إبتسم بندر ورفع راسـه
وصرخ:انتبه إنتـــــبـه
وانقلبت السياره اللي دعمتهـآ الشاحنه

وقف ابو بندر راعي التاكسي ونزل
مصدووووووووم وقعد يركض للحادث

الشاحنه انقلبت
والقزاز مكسر ومنثور بالشارع
والناس متجمعه
واتصلوا على الاسعاف
اللي ماقدرت تدخل من الزحمه
الكـل مذهول من الحادث

ام بندر أللي حست انه بندر ولدها فيه شي
وان التاكسي اللي انقلب التاكسي اللي فيه بندر
انهارت بالبكي وصارت تركض وتصيح

ابوبندر:اللي يحاول يطلع بندر بأي طريقه
ام بندر:بنـــدر بندررررررر بندر حبيبي
ياربي بندر بندر مات ولا عايش
ابوبندر:استهدي بالله استهدي بالله
انهارت ام بندر وانغشى عليها

شهد اللي حضنت حمد وقعدت تبكي وتصيح
و رهف اللي تشهق من الصدمه
اما فيصل يحاول يمسح دموعه

بالشارع كان طايحة علامة التاكسي
ومنقلبه السياره والشاحنه
متنثره بضاعتهـآ في كل مكان
وفي ناس جت لهم اصابات
من البضاعه الثقيله اللي طاحت

وصلت الشرطه و الاسعاف
اللي قالت لحد يقرب من المصابين

انقلوا المصابين وركبت ام بندر مع بندر
اما ابو بندر اللي حاول يمسك اعصابه
ومشاعره بما انه رجل البيت
اخذ عياله و توجه للمستشفى


في هالوقت سلوى تنتظر مسج من بندر او اتصال
اللي تأخر وللحينه ما اتصل ولا ارسل شي

سلوى:في داخلها"اشفيه تأخر غريبه مو بعادته يتأخر"
....بعد من هنا
...pleas mr no
....انا لازم ادخل
الدكتور:احنا الحين دخلناه العنايه ما تقدر تدخل
معه تبي ولدك رجاءآ انتظر ما فيه الا العافيه

ام بندر"اللي كل شوي تطيح من الصدمه"
وعيالها حولها يبكون
فيصل"يبوس راس امه"اللي زادت بالبكي اكثر
وبناتها حولها قاعدين وينتظرون

في هالوقت جا اتصال لابو بندر من ابو فهد
ابوفهد:بعد ما سلم على اخوه
ابوبندر"اللي كان واقف عند غرفه العمليات ولا هو متحرك
ابوفهد:ياخوي صوتك ماهو بعاجبني
ابوبندر"اللي بدى صوته تخنقه العبره":بندر ياخوك بندر
ابوفهد:خير وش فيه
ابوبندر"يبلع الغصه اللي فيه":بندر انقلبت فيه السياره
والحين بالعمليات
انصدم ابوفهد اللي انربط لسانه ولا هو
قادر يتكلم:سكر السماعه

ابو فهد :يا أم فهد انا مسافر
ام فهد : اللي نغزها قلبها :وين تبي تسافر

ابو فهد مستعجل وياخذ جوازهـ:فـهـد فـهـد
ابوفهد:سم يبه
ابوفهد:ابيك توصلني للمطار
فهد:استغرب من طلب ابوه
ابوفهد"معصب":يالله يا ولد
فهد:ان شالله ابشر
ياخذ مفتاح سيارته الكامري اللي لونها
اسود ومن داخل جلد بيج
ام فهد:ماتروح الا لمن تقولي"
ابو فهد : وهو في قمه العصبيه:بندر انقلب فيه السياره
ام فهد"صفقت ايدينها من الصدمه :لاحول ولا قوة الا بالله
ابوفهد طلع مستعجل و ركب السياره
وفهد كان ساكت لين نص الطريق
فهد:يبه فيه شي اشصاير
ابوفهد"يتنهد"بندر ولد عمك انقلب فيه التاكسي
فهد:لاحول ولا قوة الا بالله
فهد"انصدم":وشغل اذاعة القرآن هي احسن
شي بالوقت هذا القرآن يهدي النفوس

وصل ابوفهد للمطار أللي ما كان معاه لا شنطه ولاشي
ماغير التذاكر وحجز على طول للرياض ومن الرياض
بيطلع لمكه

ابو بندر بعد 5 ساعات انتظار قدام غرفة العمليات
ابوبندر:امشي يا ام بندر للفندق
ام بندر"بصوت يالله ينسمع:تبيني اروح واترك ولدي
والله ما اتحرك
ابوبندر:عيالك صغار تعبوا من الجلسه
ام بندر:تبي تروح انت روح انا ما اتحرك
ابوبندر قدر موقفها و خوفها ع ولدها

طلع الدكتور من غرفه العمليات وتعابير وجهه
ما تدل ع أي شي
ابو بندر:بشر يا دكتور
الدكتور:بصراحه يا ابو بندر
ابو بندر"اللي متامسك لحد االان وينتظر الدكتور:احنا سوينا اللي علينا
والباقي على الله ادعوا له
وتركهم الدكتور و راح وتركهم حايرين ويدعون الله
يشفي ولدهم




وهذاا الباارت الاول + الثااني

وانتضروو الباارت الثالث


 

رد مع اقتباس
غير مقروء 21-May-2011   #15


الصورة الرمزية زرداك
زرداك غير متصل

بيانات اضافيه [ + ]
 رقم العضوية : 73523
 تاريخ التسجيل :  Nov 2010
 المشاركات : 652 [ + ]
 التقييم :  10
 :البوم العضو
لوني المفضل : Cadetblue
افتراضي رد: رووواية ياليتني من قبل لا احبه اقفيت



لى عوده ولكن عودتينا دائما على مواضيعك الجميله وقصصك الشيقه

تسلم الايادى يالغلا


 

رد مع اقتباس
غير مقروء 21-May-2011   #16
هذي حياتي عشتها واتعبتني امشي على درب الفرح ومالقيته


الصورة الرمزية الغلا يرتجيني
الغلا يرتجيني غير متصل

بيانات اضافيه [ + ]
 رقم العضوية : 69899
 تاريخ التسجيل :  Jul 2010
 المشاركات : 5,066 [ + ]
 التقييم :  10
 :البوم العضو
 الجنس ~
Female
 MMS ~
MMS ~
 SMS ~
خـلـأص بغاادر ب هدنياا ماا عااد لي خااطرر..
لوني المفضل : Darkblue
افتراضي رد: رووواية ياليتني من قبل لا احبه اقفيت



تسلم خيوو نجم ونورة الموضووع


 

رد مع اقتباس
غير مقروء 22-May-2011   #17


الصورة الرمزية متونه
متونه غير متصل

بيانات اضافيه [ + ]
 رقم العضوية : 69309
 تاريخ التسجيل :  Jul 2010
 المشاركات : 2,314 [ + ]
 التقييم :  6257
 :البوم العضو
لوني المفضل : Cadetblue
افتراضي رد: رووواية ياليتني من قبل لا احبه اقفيت



الله يعطيك الف عافيه

متعوب عليه كثيررررر

ربي يخليج تسلم الايادي


 

رد مع اقتباس
غير مقروء 22-May-2011   #18
هذي حياتي عشتها واتعبتني امشي على درب الفرح ومالقيته


الصورة الرمزية الغلا يرتجيني
الغلا يرتجيني غير متصل

بيانات اضافيه [ + ]
 رقم العضوية : 69899
 تاريخ التسجيل :  Jul 2010
 المشاركات : 5,066 [ + ]
 التقييم :  10
 :البوم العضو
 الجنس ~
Female
 MMS ~
MMS ~
 SMS ~
خـلـأص بغاادر ب هدنياا ماا عااد لي خااطرر..
لوني المفضل : Darkblue
افتراضي رد: رووواية ياليتني من قبل لا احبه اقفيت



الله يعاافيج ..}

ويسلم ايدينج هع ..}


 

رد مع اقتباس
إنشاء موضوع جديد  إضافة رد

العلامات المرجعية


الكلمات الدلالية (Tags)
اخته, اقفيت, ياليتني, رووواية, قبل

أدوات الموضوع
انواع عرض الموضوع

إخفاء/عرضضوابط المشاركة
BB code متاحة
كود [IMG] متاحة
كود HTML معطلة

المواضيع المتشابهه

الموضوع كاتب الموضوع المنتدى مشاركات آخر مشاركة
برأسية ياسر ومهارة الفريدي الهلال يطير لملاقاة الاتحاد بعد الفوز على الغرافة قبل قليل جنوون الشووق الرياضة والرياضيين - صدى الملاعب 5 14-Oct-2011 03:32
قبل قليل ....الهلال يحوّل خسارة الشوط الأول لفوز 3 – 2 على الجزيرة الإماراتي جنوون الشووق الرياضة والرياضيين - صدى الملاعب 5 26-Apr-2011 01:58
موقع الإتحاد الأسيوي : الهلال يبلغ قبل النهائي على حساب الغرافة روحي هلاليه الرياضة والرياضيين - صدى الملاعب 3 02-Oct-2010 03:27
ماذا تأكل قبل و بعد التبرع بالدم؟ منار الخطيب منتدى الـطب والـصحة 8 21-Sep-2010 01:39

المشاركات المنشورة بشبكة امورات لاتعبر بالضرورة عن رأي إدارة الموقع ولا تمثل إلا رأي أصحابها فقط
شبكة امورات موقع سني سعودي خليجي عربي يحترم كافة الطوائف والأديان ومختلف الجنسيات

1 2 3 4 5 6 7 8 9 10 11 12 13 15 16 17 18 19 20 22 23 25 26 27 28 29 31 32 33 34 35 36 37 38 39 40 41 45 46 47 48 49 50 51 52 53 54 55 56 57 58 59 60 61 63 64 65 66 67 68 69 70 71 72 73 74 75 76 77 78 79 81 82 83 84 85 86 87 88 89 90 91 92 93 94 95 96 97 98 99 100

جميع الأوقات بتوقيت GMT +4. الساعة الآن 07:09.

Powered by Amorat.Net